Тайыр Бүркітбайұлы Тастандиев: Нұсқалар арасындағы айырмашылық

'''ТАСТАНДИЕВ''' Тайыр (24.5.1924, Жуалы ауданы Қызыларық ауылы – 1974, сонда) – [[Екінші Дүниежүзілік соғыс|2-дүниежүзілік соғысының]] батыры. Жауынгерлік Даңқ орденінің толық иегері. 1942 жылы тамызда Тастандиев әскер қатарына алынған. 1-ші және 2-[[Балтық бойы]], 4-[[Украина]] майданының құрамында елді неміс-фашист басқыншыларынан азат ету ұрыстарына қатысты. Алғашқы жорық жолын бастағанда-ақ «Ерлігі үшін» медалімен марапатталған Тастандиев Донбасс шахталарын, [[Донецк]], [[Воронеж]], [[Кенигсберг]] қалаларын, [[Қырым түбегі]]н азат ету жолындағы айқастарда батылдық пен батырлықтың өшпес өнегесін көрсетті. [[Донецк]] қаласының жанындағы кескілескен ұрыста өзінің бөлімшесімен жаудың күшті бекінісін алып, аса жауапты жауынгерлік тапсырманы орындағаны үшін [[Даңқ ордені|ІІІ дәрежелі Даңқ орденімен]], жау ДЗОТ-ын гранатамен жарғаны үшін [[Даңқ ордені|ІІ дәрежелі Даңқ орденімен]], [[Днепр]] жағалауындағы кескілескен ұрыста көрсеткен ерлігі үшін [[Даңқ ордені|1-дәрежелі Даңқ орденімен]] наградталды. Тастандиевтің майдандағы ерлігі орыс жазушысы К.Симоновтың «Шел солдат» деректі фильмінде (1974) біршама ашылып көрсетілген. Жергілікті қаламгер Ә.Айтоқов Тастандиев туралы кітап жазған. Соғыстан кейінгі жылдары Тастандиев өз ауылында халық шаруашылығындағы саласында еңбек етіп, 1953 – 74 жылдары Ақтөбе аудандық кеңесінің төрағасы болып қызмет атқарды. ▼