Меңдияр Бекчурин: Нұсқалар арасындағы айырмашылық

Content deleted Content added
Жаңа бетте: '''Бекшорин''', Бекчурин Меңдияр (1740 — 1821) — елші, ауыз әдебиеті нұсқаларын жинаушы. Ұлты — татар. ...
(Айырмашылық жоқ)

01:10, 2011 ж. маусымның 9 кезіндегі нұсқа

Бекшорин, Бекчурин Меңдияр (1740 — 1821) — елші, ауыз әдебиеті нұсқаларын жинаушы. Ұлты — татар.

Қызметін Орынбор генерал-губернаторының кеңсесінде “татар тілінің аудармашысы” болудан бастады (1750). Бекчурин жарты ғасыр уақыт бойы Ресей өкіметінің түрлі дипломатиялық тапсырмаларын орындаумен шұғылданды. Осы мақсатта Орта жүз және Кіші жүз қазақтарына бірнеше рет сапармен келіп қайтты. 1778—79 ж. бірінші рет Тоғым сұлтанға Санкт-Петербургтегі император сарайынан шақыру әкеліп, екінші рет Ресей Сыртқы істер коллегиясы атынан арнайы грамота мен сыйлықтар тапсыру үшін Абылай хан ордасында болды. 1780 — 81 ж. Ресей елшілігін басқарып, қазақ даласы арқылы Орынбордан Бұхараға сапар шекті. Оның бұл саяхаты кезіндегі жазбалары “Шығыс жинағының” (“Восточный сборник”) 1916 ж. 2-кітабында (275 — 321 бет жарияланды. Бекчурин 1790 ж. Орынбор мүфтиі Мұхамеджан Хұсайыновпен бірге Сырым Датовпен кездесуге, 1795 ж. Кіші жүз сұлтаны Есімді хан сайлауға қатысты. 1803 ж. Я.П. Гавердовский бастаған керуенмен Бұхараға барды. Бекчурин 1817 ж. қазақтың “Барса келмес” ертегісін жазып алып, “Санкт-Петербургские ведомости” газетінде жариялады (1839, 17ғ.). 1819 ж. Коллегия кеңесшісі дәрежесінде Ресей елшілігімен Хиуада болды.

Пайдаланылған әдебиет

“Қазақ Энциклопедиясы”, II-том