Панаева (Головачёва) Авдотья Яковлевна (лақап аты - Н. Станицкий; 31 июля (12 августа) 1820, Санкт-Петербург — 30 марта (11 апрелясәуір) 1893, сонда)- орыс жазушысы. Актер семьясында туған. Петербург театр училищесінде білім алды. Панаеваның"Тальниковтердің үй-іші" (1848) атты алғашқы повесі семьядағы "тәртіпті" сынағаны үшін цензурадан өтпей қалды. ол Н.А. Некрасовпен "Әлемнің үш елі"(1848-1849), "Өлі көл"(1851) романдарын жазды. А.Я.Панаеваның "Өмірдің уақ-түйектері"(1854), "Дала бикеші"(1855), "Үйдегі тамұқ"(1857), " Бұлыңғыр Петербургтегі роман"(1860) повестерінде еңбек, күрес және тәрбие мәселелері бейнеленген. А.Я.Панаеваның атын танытқан тәуір шығармасы- "Әйел үлесі" (1862). Жаңа адамдар образын жасауда сәтті шыққан бұл роман Н.Г. Чернышевскийдың ықпалымен жазылған болатын. Ол Ш. Уалихановпен таныс болған.
