Бақыршық алтын кені бойлық бағыттағы [[Батыс қалбаҚалба алтынды белдеуі|Батыс Қалба]] терең жарылымы мен ендік бағыттағы Қызыл жаншылу белдемінің түйіскен тұсында орналасқан. Мұндағы төменгі [[Карбон кезеңі|тас көмір]]дің құмтастарын, көмірлі-сазды тақтатастарын интрузивті [[шток]]тар, [[дайка]]лар, [[кварц]] желілері қиып өткен. Солтүстікке қарай 35 – 40° еңіс жатқан кварцталған қабаттардағы [[пирит]], [[халькопирит]], [[арсенопирит]], [[антимонит]], [[галенит]], [[сфалерит]], т.б. сульфидті [[минерал]]дарда [[алтын]] мен [[күміс]]тен басқа [[қорғасын]], [[вольфрам]], [[висмут]], [[сүрме]], [[молибден]] кездеседі.