'''Ембі''' — [[Ақтөбе облысы]]ның [[Мұғалжар ауданы]]ндағы қала, темір жол бекеті. Облыс орталығы — [[Ақтөбе қаласы]]нан оңтүстік-шығысқа қарай 166 км жерде, Мұғалжар тауының батысында, [[Жем өзені]]нің аңғарының астық тұқымдас өсімдіктер аралас, жусан, бұйырғын еркекшөп басым өскен сұр, сортаң сұр топырақты шөлейтті белдемде орналасқан. Тұрғыны 11,8 мың адам (2014).
Іргесі 19 ғасырдың 40-жылдары қаланған. 1937 жылдан кент, 1967 жылдан бері қала. Ембіде локомотив депосы, Ақтөбе ет комбинатының бөлімшесі, геофизикалық-геологиялық барлау экспедициясы, көлік, құрылыс, т.б. кәсіпорындар мен әр түрліәртүрлі бағыттағы 7 өндірістік кооператив пен бірлестік жұмыс істейді. Қалада 3 орта мектеп, кәсіптік-техникалық колледж, мәдениет үйлері, клубтар мен кинотеатрлар, кітапхана, ауданның ауруханасы, емхана, стадион, т.б. оқу-ағарту және денсаулық сақтау мекемелері бар. 1985 жылдан А.Қ. Жұбановтың мұражайы жұмыс істейді. Тұрғындары басқа елді мекендермен темір жол және автомобиль жолы арқылы қатынасады.