'''Бекіре''' , қызыл балық (Aсіpenser gueldenstaedtі) – бекіретәрізділер отрядына жататын ірі балық. Қазақстанда [[Каспий теңізі|Каспий теңізінденде]], Еділ-Жайық өзендерінде тіршілік ететін 2 түр тармағы бар: [[кәдімгі Бекіребекіре]] (A.g. gueldenstaedtі) және [[парсы Бекіресісібекіресісі]] (A.g. persіcus). Олардың дене тұрқы 2 м-ден астам, салмағы 10 – 30 кг, кейде 80 кг-ға жетеді. Бекіренің тұмсығы қысқа, доғал не сүйрік, мұртшалары тұмсығының ұшына жақын, жотасында 5 – 19, бүйірінде 24 – 30, ал бауырында 6 – 14 қырлы сүйектері болады. Бекіренің аталығы 7 – 8, аналығы 9 – 10 жылда жыныстық жағынан жетіледі. 50 жылға дейін тіршілік етеді. Өзенге көктемде шыққандары сол жылы, ал күзде өрістегендері келесі жылы көктемнің аяғы – жаздың бас кезінде өзеннің ағысы қатты, тасты, тығыз қиыршық құмды жерлеріне 0,1 – 1 млн-дай уылдырығын шашады да, теңізге қайтып оралады. Шабақтары ұзындығы 15 – 20 см-ге жеткенде теңізге шығады. Бекіренің шабақтары [[шаян]] тәрізділермен, [[құрттар|құрттармен]], ал ересектері [[моллюскі|моллюскілермен]], [[балық|балықтармен]] ([[бұзаубас]], [[майшабақ]], т.б) қоректенеді. ''Бекіре'' – еті дәмді, қара уылдырығы өте бағалы кәсіптік балық. Бекіре қортпа, арал бекіресі, шоқыр, сүйрікпен табиғи будан береді. Бекіре санын көбейту үшін шабақтары тоғандар мен питомниктерде қолдан өсіріледі.
