Елшібек

Елшібек - батыр, есімі ұрпақтарының ұранына айналған. Тегі Суан руының Бәйтүгей тармағынан шыққан. Халықтық шежіреде Елшібек Орбұлақ шайқасында ерлік көрсеткен Елтінді батырдың бел немере інісі ретінде баяндалады. Елшібектің "қырық ұлы болыпты-мыс", сондықтан оның атына "Қырыққасқа" атауы қосарланып айтылады екен. Олардың арасында белгілісі - Бағай батыр. Қазақстан шыққан тұңғыш кәсіби суретші Ә. Қастеев те осы Елшібек атаның ұрпағы саналады. 2003 жылы қыркүйекте Алматы обл. Жаркент ауданы, Шежін аңғарындағы төбе басына Елшібекке, Бағай батырға арнап ескерткіш орнатылған.