Безгек масасы: Нұсқалар арасындағы айырмашылық

{{Қорық аймақ | name =БЕЗГЕК МАСАСЫ | image =Сурак.jpg|200px | caption =| location = [[Қазақстан]]| area = | established =| governing_body = | world_heritage_site =| website =}}‎ '''Безгек масасы ''' (Anopheles) – масалар отрядының [[қосқанаттылар]] тұқымдасына жататын бір туысы. Жер шарында Б. м-ның 360-тай түрі, ал [[Қазақстан|Қазақстанда]] 6 түрі мекендейді, солардың ішінде көп тарағаны және [[безгек]] ауруын тарататыны кәдімгі Б. м. (A. maculіpennіs) және бояулы Б. м. (A. superpіctus). Дене тұрқы ұзынша келген, бас, кеуде және құрсақтан тұрады. Басында көздері мен 15 буыннан тұратын иісті және [[Ауа|ауаның]] қозғалуы мен ылғалдылығын сезетін мұртшалары бар. Тұмсығы ұзын, адамдар мен жануарлардың қанын сорып қоректенуге бейімделген. Қуыршақтан ұшып шыққан масалар ауада шағылысып ұрықтанады. Ұрғашылары малдың, жабайы [[Жануарлар|жануарлардың]] және адамның қанын сорып, ал аталықтары өсімдік шырынымен қоректенеді. Ұрғашылары жұмыртқаларын [[су]] бетіне тізбектеп салады, одан 2 – 4 күнде дернәсілдері шығады. Олар судағы балдырлармен, қарапайымдылармен қоректенеді. 14 – 18 күнде [[Жұмыртқа|жұмыртқадан]] қанаттанған маса шығады. Б. м. бір жазда 2 – 6 рет ұрпақ бере алады. Қыста масаның ұрғашылары аңдардың інін, [[үңгір|үңгірлерді]], үйлердің төбесінде, қоймаларда, т.б. жылы жерлерді мекендейді. Б. м-н жою үшін инсектицидтер қолданылады. Батпақты жерлер құрғатылады. Биол. әдіс – оның [[Дернәсіл|дернәсілімен]], қуыршағымен қоректенетін [[Балықтар|балықтарды]] суға жіберу әдісі де қолданылады. [[Санат:Б]]
[[Санат:Қазақстан табиғаты]]