Қабыршақтылар: Нұсқалар арасындағы айырмашылық

'''Қабыршақтылар''' (''Squamata'') – [[бауырымен жорғалаушылар]] класының бір отряды. Бұлар жер шарында кең тараған (тек [[Антарктида|Антарктидада]] кездеспейді). Қабыршақтылардың 6600-дей түрі белгілі, олар 3 отряд тармағына ([[кесіртке]], [[жылан]] және [[амфисбендер]]) бірігеді. [[Амфисбендер]] ([[Amphisbeania]]) – кесірткелерге жақын жануарлар. Бұлардың 23 туысқа бірігетін 140 түрі бар, негізінен, [[Оңтүстік Америка|Оңтүстік]] және [[Орта Америка|Орта Америкада]], [[Батыс Азия|Батыс Азияда]] тіршілік етеді. Қабыршақтылардың дене пішіні әр түрлі мүйізді қабыршақтармен және қалқандармен жабылған. Олардың астында сүйек қатпарлары орналасады. Басының самай сүйегі дамымай қалған (редукцияланған). Үстіңгі жақтың шаршы сүйегі [[бас сүйек]] қабымен қозғалмалы түрде байланысқан. Қозғалмалы қабақ кесірткелерге тән, ал жыландардың қабақтары мөлдір, олар бір-бірімен бірігіп кеткен. Аталықтарында көбею мүшелері жұп болады. Қабыршақтылардың [[жұмыртқа|жұмыртқаларының]] жұмсақ жарғақ тәрізді қабығы болады. Қабыршақтылардың [[биоценоз|биоценоздағы]] рөлі зор, а. ш-на зиянды жәндіктер мен ұсақ жануарларды жеп пайда келтіреді, уынан дәрілік препараттар алынады.▼