Бесқонақ: Нұсқалар арасындағы айырмашылық

Нақты астрон. жылдың ұзақтығы бүтін күн санымен өрнектелмейді. Ол жуық түрде 365,24 тәулік (яғни 365 күн 6 сағ.) деп есептеледі. [[Тәулік]]тің ширегін жыл сайын күнтізбеге енгізіп отыру қолайсыз. Сондықтан қазіргі қолданылып жүрген Григорий күнтізбесінде бұл ширектерден 4 жылда 1 күн құралатындығы ескеріліп, әрбір 4 жылдың алдыңғы үшеуі 365 күннен, төртіншісі 366 күн болып алынған. Ал әрқайсысы 30 күндік 12 [[ай]]дан тұратын қазақ күнтізбесінде 360 күн болды. [[Жыл]] толық болу үшін оған 5 (кібісе жылдары 6) күн қосу керек. [[Апта]]ға толмайтын осы 5 күнді қазақ халқы «Б.» деп атаған. Айлардан тыс алынатын мұндай күндер басқа халықтарда да болған. Мыс., б.з.б. 4-мыңжылдықта Мысырда 360 күннен кейін қосылатын 5 күнді құдайлар атымен (Осирис, Гор, Сет, Исида және Нефтида) атаған. Ежелгі [[Парсылар|парсы]] күнтізбесінде қосалқы 5 күн «фәнджи» немесе «андаргах» («ұрланып кіретін» не «кетікті толтыратын») деп аталған. Фәнджи парсылардың 8- және 9-айының аралығына қойылған. Ежелгі соғда мен Хорезм күнтізбелерінде де қосалқы күндер болған. Байырғы қазақ күнтізбесінде «Б.» үнемі жыл аяғына қосылып отырған. Қазіргі күнтізбе бойынша «Б.» жыл сайын 17 [[наурыз]]дан (кібісе жылдары 16 наурыздан) 21 наурызға дейінгі аралыққа келіп отырады. [[Санат:«]] [[Санат:Қазақстан табиғаты]]