Кәмшат: Нұсқалар арасындағы айырмашылық

[[Қазақстан]]ның орманды, таулы аймақтарында кәдімгі кәмшат және [[Орта Азия кәмшаты]] кездеседі. [[Дене тұрқы]] 65 — 70, құйрығы 41 — 44 см, салмағы 5 — 8 кг. Кәмшаттың арқасы мен құйрығының түсі жылтыраған қара қоңыр. Бауыры ақшыл, төсі сарғыш қоңыр келеді. Саусақтарының арасы жүзу жарғақтарымен көмкерілген. Қазақстанның оңтүстік-шығысында таралған. [[Іле]] өзеніне құятын [[Шілік]], [[Үсек]], [[Құндызды]] сияқты таулы өзендерінің сағаларын және Көксу, Қара, [[Тентек]] өзендерінің жоғарғы жағалауларын мекендейді. Көбіне шабақтар мен балықтармен қоректенеді. Сондай-ақ, құстарды, сүтқоректілерден — қоян, су тышқаны мен ұсақ кеміргіштерді ұстап жейді. Кәмшат көбіне өзеннің тік жағасынан ін қазып, сонда паналайды. Інінің аузы су астында болады. Жатағын қыста қатпайтын, балығы бар ағын су бойына салады. Жылына 1 рет түлейді. Аналығы 2 — 4 құнай табады. Көп аулануына байланысты саны күрт азайып кеткен. Осы кезде тек кәдімгі кәмшатты ғана аулауға рұқсат етіледі. Орта Азия кәмшатыы өте сирек кездесетін болғандықтан Қазақстанның “[[Қызыл кітап|Қызыл кітабына]]” енгізілген. Бұл аң [[Кирсанов]] қорықшасында арнайы қорғалып, өсіріледі. Жылына 100 — 150 кәмшат [[елтірісі]] дайындалады (2004).<ref name="source1">“Балалар Энциклопедиясы”, V-том</ref>▼