Америкалық бизон: Нұсқалар арасындағы айырмашылық

'''Бизон''' ({{lang-la|Bison bison}}) — [[қуысмүйізділер]] тұқымдасының [[зубр]] туысына жататын жабайы [[сиыр]].


Бизон [[Солтүстік Америка]]да көп кездескенімен, 19 ғасырда көп аулануына байланысты сиреп кеткен (қазір 500-дей Бизон АҚШ-тың [[Йеллоустон ұлттық саябағы]] мен Канаданың [[Атабаски]] ауданында кездеседі).

Бизон — өте ірі [[жануар]], бұқасының дене тұрқы 3 м, биіктігі 2 м-дей (шоқтығынан алғанда), салмағы 720 — 750 кг-дай болады. Басы, кеудесі қара түсті, жүні жұмсақ, мойнының, кеудесінің, шоқтығының жүні қалың әрі ұзын келеді. Жауырынының үстінде көзге анық көрінетін ''“өркеші”'' бар. Бизон 2 — 3 жылда жыныстық жағынан жетіледі. Шілде — қыркүйекте күйлеп, 9 айдан соң аналығы жалқы бұзау табады. Бұзауын 7 айдай емізеді. Бизон табиғи жағдайда 20— 25 жыл тіршілік етеді. Бизон үйір-үйір болып жүреді. [[Аляска]]ның орталық бөлігінде, [[Украина]]да [[Аскания-Нова қорығы]]нда, Беларусьте [[Беловеж нуы]]нда жерсіндірілген. Бизон ертеде терісі бағалы кәсіптік аңның бірі болған.<ref name="source1">«Қазақстан»: Ұлттық энцклопедия / Бас редактор Ә. Нысанбаев – Алматы «[[Қазақ энциклопедиясы]]» Бас редакциясы, 1998 жыл, ISBN 5-89800-123-9, II том</ref>