Батырхан Құрмансейіт: Нұсқалар арасындағы айырмашылық

Content deleted Content added
Жаңа бетте: ==Батырхан ҚҰРМАНСЕЙІТ== '''Батырхан Құрмансейіт''' (1-шілде 1975, Оңтүстік Қазақстан облысы, ...
(Айырмашылық жоқ)

21:22, 2015 ж. қазанның 24 кезіндегі нұсқа

Батырхан ҚҰРМАНСЕЙІТ

Батырхан Құрмансейіт (1-шілде 1975, Оңтүстік Қазақстан облысы, Түлкібас ауданы) – жапонтанушы, аудармашы, дипломат, PhD докторы.

Білімі

Әл-Фараби атындағы Қазақ Ұлттық университеті шығыстану факультетінің жапон тілі бөлімін (2001), Жапония Білім және ғылым министрлігінің бағдарламасы бойынша Жапонияның Киотo университетін (2000) бітірген. 2013 жылы әл-Фараби атындағы Қазақ Ұлттық Университеті тарих факультетінің аспирантурасын, ал 2014 жылы Жапониядағы Кокушикан университетінде халықаралық қатынастар саласында докторантураны тәмамдаған. Қазақ, орыс, ағылшын, жапон тілдерін біледі.

Қызметі

2006-2008 жылдары «NIKA SERVICE-1» ЖШС» Қазақстан-жапон компаниясында директор қызметінде болған. 2008 жылы ҚР Сыртқы істер министрлігі, Азия және Африка департаментінде екінші хатшы қызметін атқарған. 2008-2014 жылдар аралығында Қазақстанның Жапониядағы елшілігінде бірнеше қызметтерде болған:

  1. 2008-2009 жылдары Қазақстанның Жапониядағы елшілігінде Екінші хатшы;
  2. 2009-2011 жылдары Қазақстанның Жапониядағы елшілігінде Бірінші хатшы;
  3. 2011-2012 жылдары Қазақстанның Жапониядағы елшілігінде Кеңесші;
  4. 2012-2014 жылдары Қазақстанның Жапониядағы елшілігінде Кеңесші-уәкіл (Елшінің орынбасары).

2014 жылы ҚР Президент Әкімшілігі, Сыртқы саясат орталығында инспектор қызметін атқарған. 2014 жылдың күзінен бастап ҚР Кәсіпкерлер Ұлттық палатасы, Сыртқы сауда палатасында қызмет жасаған. Кәсіпкер, Қазақстан-жапон экономикалық ынтымақтастық жөніндегі комитеттің Төрағасы. Жапония Сыртқы істер министрлігінің Қазақстандағы бірлескен инфрақұрылымдық жобалар бойынша кеңесшісі. Жапонияның Азаматтық дипломатия және Халықаралық достық алмасулар Кеңесінің (The International Friendship Exchange Council, FEC) Қазақстандағы ресми әріптесі.

Жетістіктері

Орта Азия мемлекеттерінің студенттері арасында өткізілген жапон тілі сайысының жеңімпазы, 1998 жылы, Алматы қаласы. ТМД мемлекеттерінің студенттері арасында өткізілген жапон тілі сайысының жеңімпазы (Қазақстан тарихында тұңғыш рет), 1998 жылы, Мәскеу қаласы. Шетелдік дипломаттар арасында өткізілген жапон тілі сайысының екі дүркін жеңімпазы (Қазақстан тарихында тұңғыш рет), 2009 және 2012 жылдары, Токио. Жапония Сыртқы істер Министрінің арнайы грамоталары және кубоктарымен марапатталған. ҚР Сыртқы істер Министрінің құрмет грамотасымен марапатталған. Дипломатиялық дәрежесі: Екінші таптағы бірінші хатшы. Бірінші дәрежедегі жапон тілінің маманы. ҚР Сыртқы істер Министрлігінің қадрлік резервіне алынған. 2014 жылдың мамыр айында ҚР Президенті жанындағы Кадр саясаты жөніндегі ұлттық комиссияның шешімімен мемлекеттік қызметтің «А» Корпусына кадрлық резервке алынған.

==Сілтемелер==