Ұшқаттар тұқымдасы: Нұсқалар арасындағы айырмашылық

'''Ұшқаттар тұқымдасы''' (''Caprіfolіaceae'') — [[бұта]], жартылай бұта, кейде [[ағаш]] немесе [[КӨП ЖЫЛДЫҚ ШӨПТЕР|көп жылдық шөптесін]] [[өсімдіктер]]. Дүние жүзінде солтүстік және қоңыржай аймақтарда тараған 15 туысы, 500-дей түрі белгілі. [[Қазақстан|Қазақстанда]] 6 туысы, 27 түрі бар. Жиі кездесетін туыстары — [[ұшқат]], [[шәңкіш]], аюбадам және линнея (жалманақ). Жалпақ жапырақты, қылқан жапырақты және аралас ормандар арасында өседі. Ұшқаттар тұқымдасының жапырақтары қарама-қарсы орналасқан, бөбе жапырақшасы ұсақ, тіпті жоқтың қасы. [[Гүлшоғыр|Гүлшоғырындағы]] гүлдері әр түрлі 5 мүшелі, қосжынысты. Күлтесі доңғалақша, табақша, қоңырауша, кейде түтікшеге ұқсас. [[Аталық|Аталығы]] 5, аналығы 1, жатыны төмен орналасқан, 2—5 біріккен жеміс жапырақшасынан тұрады. Аналық мойны қысқа, жуан немесе ұзын, жіпше тәрізді. [[ЖЕМІС|Жемісі]] — қорапша, сүйекше, бір немесе бірнеше тұқымды жидек. Ұшқаттар тұқымдасына жататын өсімдіктерді бауларда, саябақтарда, орман ш-нда жылжымалы тау беткейлерін бекітуге өсіреді; көлеңкелі жерде өскен ағаштың өзегі [[Ботаника|ботаникада]] анат. кесіндіні бекіту үшін пайдаланылады. Бұлардың дәрілік, бояулық, шірнелі, техникалық маңызы зор. Кейбір түрлерінің (ұшқат, шәңкіш, аюбадам, т.б.) [[Жидек Дақылдары|жидектері]] тағам ретінде пайдаланылады. Көпшілік түрілері негізінен дәрілік және мәдени өсімдіктер.