Бионика: Нұсқалар арасындағы айырмашылық

'''Бионика'''(грек. bіn — тіршілік элементі, сөзбе-сөз мағынасы — [[өмір]] сүруші) — тірі организмдердің құрылымы мен тіршілік әрекеттерінің ерекшелігін зерттеу негізінде техникалық құрал-жабдықтардың жаңа түрлерін жасау және оларды жетілдіру әдістері туралы [[ғылым]]. Б-ның негізгі бағыттары: [[автоматика]] мен телемеханиканың жаңа элементтерін және электронды есептеуіш техникасын одан әрі жетілдіру мақсатында тірі организмдердің жүйке жүйелерін зерттеу; жүйке клеткаларын модельдеу; жануарлардың ориентациялық (бағдарланғыштық) және локациялық (бір нәрсенің тұрған жерін анықтағыштық) ерекшеліктерін техникада қолдану. 1960 ж. [[Дайтон]] қ-нда ([[АҚШ]]) “Жаңа техниканы жасауда бірден-бір кілт — тірі табиғаттың үлгісі” деген тақырыппен өткен халықар. симпозиумда Б. өз алдына дербес ғылым болып жарияланды. Ал Қазақстанда Б. жөніндегі ғыл. бағыттардың негізі 1969 ж. [[Алматы|Алматыда]] өткен ғыл.-тех. семинар-да тұжырымдалды. Зерттеу жұмыстары [[ҚазМУ]]-де, Зоология ин-тында, Алматы мед. ун-тінде, т.б. жүргізілуде. [[ҚазМУ]]-де адам мен жануарлар терісіндегі биол. активті нүктелердің иммитациялық желісінің көп каналды аналогты жүйесі зерттелді. Мұның нәтижесінде бірқатар аурулардың диагностикасын тез анықтайтын прибор жасалып, клиникалық медицинада қолданылуда. Б-ның басты міндеті — тірі табиғаттың құрылу принципін зерттей отырып, биол. жүйелерді техникада пайдалану. Мыс., теңізде тіршілік ететін медузалардың келе жатқан толқынды дауылды 13 — 15 сағат бұрын сезетіні анықталды. Ал теңіз барометрі оны 2 сағат бұрын ғана біледі. Медузаның осы қасиетінің негізінде теңізде дауыл боларын болжайтын аспапты жасауға мүмкіндік туды. Жыландардың да темп-раны айыра білетін қасиеттері бар екені анықталып отыр. Мыс., ысылдап дыбыс шығаратын жылан мен қалқантұмсықты жыландардың басының 2 жағында жылуды сезетін шұңқыры болады. [[Ғалым|Ғалымдар]] жыландардың термолокаторлық қасиетіне сүйене отырып, жылылық пен суықтықты дәл өлшейтін термометрлер ойлап шығарды. [[Су]] сүңгуір қоңызы, шегіртке, сүлік, балық, т.б. жер сілкінуді алдын-ала сезеді. Осыған байланысты сілкініс жиі болып тұратын жерлерде балықтың жер сілкінуді сезгіш түрін аквариумда ұстайды. Масаның нәзік иіс сезу ерекшелігіне байланысты жасалынған аспап, шахтада улы газдардың пайда болғанын хабарлайды. Соңғы кезде ғалымдар дельфиндерге көп көңіл аударуда, дельфин терісі су толқындарына оңай қысылады және серпімді келеді. Осыған байланысты теңіз кемелерінің суға бататын бөлігіне дельфин терісіне ұқсас қолдан тері жасап, қаптайтын болды. “Дельфин терісімен” қапталған кеме су кедергісін шұғыл азайтып, шапшаң жүзеді. Б-ның техникаға енген үлкен жетістігінің бірі — [[гиротрон]]. Ол — ұшақтарды тұрақтандыру үшін қолданылатын аспап. [[Гиротрон]] кейбір жәндіктердің (көбелек, қоңыз) биоанализаторларының жұмыс істеу қабілетіне сәйкес жасалынған. Мыс., ұсақ жәндіктердің ұшу ерекшеліктерін жан-жақты зерттеу нәтижесінде оларда ұшу бағытының өзгеруін тез арада сезетін арнайы мүше болатындығы анықталды. Осының негізінде өте жоғары жылдамдықпен ұшатын ұшақтардың бағытын жоғары дәлдікпен қадағалайтын аспап жасалды. Б-ның кеңістікті бақылауға және көруге болмайтын жағдайда, заттарды іздеп табуға арналған өте күрделі тех. аспаптарды құрастыруда, т.б. техника мен медицина мәселелері үшін маңызы зор.