<br />Венецияның басты кереметі, әрине Әулие Марк соборы, осы жерде Дождар сарайы да бар. Қала өміріндегі салтанаттың бәрі осы маңайда өтеді. Венецияда 318 мың адам тұрады. Қалада халықаралық аэропорт, білім және мәдениет орталығы, өнер академиясы, университет, әйнектен жасалған заттар музейі бар.
ВЕНЕЦИЯ (Venezіa) — Италияның солт.-шығысындағы қала, провинция орталығы, Венеция шығанағындағы ірі теңіз порты. 318 мың тұрғыны бар (1991). Қалада халықар. аэропорт орналасқан, түсті металлургия, мұнай өңдеу, химия, машина жасау, жеңіл өнеркәсіп өнімдерін шығаратын кәсіпорындар, сонымен қатар Өнер академиясы, Адрия т-н зерттеу ин-ты, Галелерия академиясы, ун-т және әйнектен жасалған заттар музейі орналасқан. Қаланың іргесі б.з.б. 5 ғ-да қаланған. Орта ғасырларда өз алдына жеке қала — мемлекет болды. 9 — 16 ғ-лар аралығында Бат. Еуропа мен Шығыс елдерін жалғастырып тұрған негізгі сауда орталығына айналды. 1797 — 1805 және 1815 — 66 жылдары Австрия-Венгрия империясының құрамына кірді. 1866 жылдан бері Италия мемлекетінің құрамында. В-да орта ғасырларда салынған архитектуралық ескерткіштер көп (Сан-Марко соборы, Санта Мария де Мираколи шіркеуі, Сан-Джорджо Маджоре монастры, т.б.). <ref>“Қазақ Энциклопедиясы”, II-том</ref>
