Жетісу: Нұсқалар арасындағы айырмашылық

'''Жетісу''' –— тарихи-географиялық [[аймақ]]. Солтүстікте [[Балқаш]], солтүстік-шығысында [[Сасықкөл көлі (Алматы, Шығыс Қазақстан облыстары)|Сасықкөл]] мен [[Алакөл]], шығыста Жетісу ([[Жоңғар Алатауы|Жоңғар]]) Алатауы, оңтүстік және оңтүстік-батысында Солтүстік [[Тянь-Шань]] жоталарымен шектеседі. Тарихи деректер мен зерттеулерде Жетісу атын құрайтын 7 өзен туралы түрліше пікір бар. [[Гейнс Александр Константинович|А.К. Гейнс]] бұлардың қатарына [[Лепсі]], [[Басқан өзені|Басқан]], [[Сарқан]], [[Ақсу]], [[Бүйен]], [[Қаратал]] және [[Көксу]] өзендерін жатқызса, [[Влангали Александр Георгиевич|А.Влангали]] Басқан, Сарқан өзендерінің орнына солтүстік-шығыстағы [[Аягөз]], оңтүстік-шығыстағы [[Іле]] өзендерін атайды. [[Василий Владимирович Бартольд|В.В. Бартольдтың]] айтуынша, алғашқыда жергілікті халық Жетісу деп Іледен солтүстікке қарай созылған аймақты атаған, оған Лепсі, Басқан, Ақсу, Бүйен, [[Қызылағаш]], Қаратал, Көксу өзендері енген. Ал Жетісу Іленің оңтүстігіне қарай созылған таулы аймақ деген ұғым 19 ғ-да тарап, сондай-ақ, оған Тянь-Шаньнің солтүстік-батыс және орталық аудандары да қосылатын болған. Тарихи әдебиетте Жетісу ұғымына [[Шу өзені|Шу]] алабы мен [[Нарын]] өзенінің жоғарғы ағысын қамтитын атырап та кірген.