Железин қаласы - Ертіс өзені бойында [[1717 жыл]]ы негізі қаланған бекініс. Железин қаласы Сібір генерал-губернаторлығының тұңғыш губернаторы М.П. Гагариннің бастамасымен салынды. [[1714 жыл|1714]]-[[1716 жыл|16]] жылдары [[Петр І Петр]] жарлығымен Ертіс өңіріне аттандырылған. И.Д. Бухгольцтың жорығы сәтсіздікпен аяқталғаннан кейін, князь Гагарин Ертіс өзенінің бойында жаңа бекіністер тұрғызу үшін П.Северский мен В.Чередов басқарған экспедиция ұйымдастырды. Чередов Колбасинск бекінісін, Северский Железин қаласының негізін салды. Железин қаласы алғашында төрт бұрышты, зеңбіректер орналастырылған бастиондары бар кішігірім бекініс еді. Ресей әкімшілігі оны [[Зайсан (көл)|Зайсан]] көліне, Қара Ертіске, Шығыс Түркістанға жасалатын жорықтардың әскери тірегі ретінде пайдаланды. [[18 ғасыр]]дың 20-30-жылдарында Железин қаласы қазақтарды жоңғар шапқыншылығынан қорғауда үлкен рөл атқарды. Екінші жағынан, орналасқан жері қолайлы болғандықтан Ресей империясы Железин қаласын [[Орта жүз]]ді отарлаудың бір тірегі ретінде пайдаланды. Қала 18 ғасырдың 40 — 50-жылдарында қазақ-орыс, орыс-жоңғар сауда байланыстарын дамытуда елеулі рөл атқарды. Железин қаласы әкімшілігі жағынан Сібір генерал-губернаторлығына, [[1783 жыл]]дан бастап Тобыл наместничествосына бағындырылды. Кейін [[Семей]], [[Өскемен]], [[Омбы]] қалаларымен бәсекелесе алмай, жай ғана қоныс болып қалды. [[1868 жыл]]ы Семей облысы [[Павлодар уезі]]нің құрамына кірді.
Железин ауданының құрылуына байланысты Железинка аудан және кенттік кеңестің, ал [[1957 жыл]]ы ұжымшардың орталығына айналды. Мұнда май зауыты, тігін фабрикасы, ауданның тұрмыс қажетін өтеу комбинаты, орман шарушылығының өндірістік кәсіпорны жұмыс істейді.
