Фенолфталейн

Фенолфталейн, лаксатол, 4,4-диоксифталофенон, С20Н14О4 – үш фенил метан тобына жататын қосылыс. Суда нашар, спирт пен эфирде біршама жақсы еритін түссіз, иіссіз, кристалды ұнтақ зат. Балқу t 259 – 263°С, қышқыл мен негізді анықтауда (рН 8,2 – 10 болғанда таңқурай реңді қызыл түске боялады) және дәрі жасауда қолданылады. Фенолфталейнді NaOH қосып балқытқанда 4,4-диоксибензофенон, концентрлі күкірт қышқылын қосып қыздырғанда фенол және оксиантрахинон түзіледі. Фенолфталейнді фенол мен фталь ангидридін ZnCl2 қатысуында 105 – 110°С-та балқыту арқылы алады.

Фенолфталейн

Сілтемелер

"Қазақ Энциклопедиясы", 9 том