Бақылаушы жауынгер

Бақылаушы жауынгер - мотоатқыш бөлімшесінде қарсыласқа бақылау жасау міндеті болып табылатын ұрыс жауынгері. Міндеттерді белгілеу кезінде бақылаушыға бағдармен жергілікті заттардың шартты атаулары; қарсылас орналасқан немесе оның пайда болуы мүмкін жері оның не істейтіндігі, өз әскері мен алдыңғы бөлімшелері орналасқан жері бақылау орны және оны қалай жабдықтау керектігін, бақылау секторы қай уақытта нені білу немесе анықтауы, не нәрсеге назар аударуы, бақылау нәтижелерін қалай баяндау керектігін түсіндіріледі. Бөлімше командирінен тапсырма алған соң бақылаушы бақылау орнын бүркемелейді және жабдықтайды. Бақылаудың көрсетілген секторындағы жергілікті жерді және заттарды зерттейді, бағдар мен жергілікті заттарға дейінгі қашықтықты өлшейді және жергілікті жердің сызбасын құрастырады.Қарсыласты байқаған сәтте бақылаушы оның жергілікті жердегі орнын анықтайды да, бөліме командиріне баяндайды. Осыдан кейін ол нысананы сызбаға шартты белгімен түсіреді де, бақылау журналына жазады. Бақылаушы әдетте бақылау дауыстап баяндау үшін командирге жақын орнадасады. Оның қолында бақылау аспаптары, жергілікті жер картасы немесе сызбасы, бақылау журналы, құлабыз және сағат болуы керек.