Перм кезеңі: Нұсқалар арасындағы айырмашылық

Халықаралық стратиграфия комиссиясы перм кезеңін тоғыз ғасырға бөледі: [[Орал дәуірі]]н құрайтын әсел, сақмар, артинск, күнгір ғасырлары, [[Гуадалупа дәуірі]]н құрайтын роуд, уөрд, капитан ғасырлары және лопиң дәуірін құрайтын укиапиң мен шаңсиң ғасырлары.

'''Пермь жүйесі, пермь дәуірі''' — [[палеозой]] дәуірінің ақырғы кезеңі. <br>

Ұзақтығы '''48 млн. жылды''' қамтиды, '''299 млн. жыл''' бұрын басталып, '''251 млн. жыл''' бұрын аяқталған.

Пермь теңіздерінде [[карбон]]дағы [[омыртқасыз]]дар өз тіршіліктерін жалғастырды. Омыртқалылардың дамуында ілгерілеу байқалды. Балықтар көбейіп, тұщы су балықтары да кездесті. Қосмекенділердің дамуы өркендеп, жыртқыш жорғалаушылармен қатар өсімдік қоректі котилозаврлар өмір сүрді. Пермь жүйесінің соңында палеозой организмдерінің жаппай жойылуы орын алды. Ылғалды климатқа байланысты тұқымды [[папоротник]]тер, кордаиттер, мүктер тез тарады.

==Кен байлықтары==

Пермь жүйесі — Жер тарихында құрғақ кезеңдердің бірі болғанына қарамастан ірі тұз кен орындарымен қатар көмір кен орындарының да түзіле бастауымен сипатталады (26,8%-ы). Көмірлі қабаттар, негізінен, бастапқы пермь дәуірінде қалыптасқан. Дүниежүз. көмір кен орындарының ([[Печора]], [[Таймыр]], Минусинск, Кузнецк, Тунгус, т.б.) және газ қорына бай Шебелин (Украина), Вуктыл (Коми), Гронинген (Нидерланд), Хьюстон (АҚШ), т.б. кен орындары Пермь жүйесінде қалыптасты. Калий тұздарының дүниежүз. қорының басым бөлігі де Пермь жүйесінде түзілді. Оларға Верхнекамск (Орал бойы), Каспий т. жағалауындағы, Германиядағы, Делавердегі (АҚШ), т.б. кен орындары жатады. Пермь жүйесінде астұз кен орындары да қалыптасты, олардың ішіндегі ең ірісі — Донбасстың солтүстігіндегі Артемовск кен орны. Пермь жүйесінде түзілген кентасты пайдалы қазба кен орындарының қатарына Мансфельд мыс кен орны (Германия), Балқаштағы Қоңырат мыс-молибден кен орны, Корнуолл қалайы кен орны (Англия), Мұрынтау алтын кен орны ([[Өзбекстан]]), Хайдаркен (Қырғызстан) сынап кен орындары, т.б. жатады.<ref name="source1">"Қазақ энциклопедиясы"</ref>.

{{Permian Footer}}