'''Ботакөз''', құралай (Myosotіs) — [[айлауық тұқымдасы|айлауық тұқымдасына]] жататын бір, екі және көп жылдық шөптесін [[өсімдіктер]]. Қазақстанда[[Қазақстан]]да [[Павлодар облысы|Павлодар]], [[Ақтөбе облысы|Ақтөбе]] облыстарында, Алтайда[[Алтай]]да, [[Тарбағатай Алатауы|Тарбағатай]], [[Жоңғар Алатауы|Жоңғар]], [[Іле Алатауы|Іле]], [[Күнгей Алатауы|Күнгей Алатауында]] кездеседі. Бұлар табиғи жағдайда тау беткейлерінде, жазық далада, су жағасында өседі. 12 түрі бар: бұлардың ішінде көп тарағаны орман Ботакөзі (M. sіlvatіca). Биіктігі 30 — 60 см, сабағы тік, көп бұтақты, сыртын ұзын түк басқан. Жапырағы (ұз. 2 — 5 см, ені 0,5 — 1,5 см) сабаққа кезек орналасқан. Көгілдір, көк түсті гүлдері ұсақ, көп гүлді, гүлшоғырына[[гүлшоғыр]]ына топтасқан. Мамыр — маусымда гүлдейді. Жемісі — көп дәнді [[жаңғақ]]. Бұлардың батпақ Ботакөзі, альпі Ботакөзі деген түрлері қолдан өсіріледі. Тұқымынан, кейде вегетативті (өсімді) жолмен көбейеді. Жақсы өсіп-жетілуі үшін оларды құнарлы топыраққа, Күн сәулесі тік түспейтін көлеңкелі және ылғалды жерлерге отырғызады. Ботакөздер — хош иісті, әдемі гүлді әсемдік өсімдіктер.
