Бангладеш: Нұсқалар арасындағы айырмашылық

Батысында, солтүстігінде, шығысында [[Үндістан]]мен, оңтүстік-шығысында [[Мьянма]] Одағымен шектеседі.

Жері 147 мың км². Халқы 149 млн. адам (2007). Астанасы – [[Дакка]] қаласы (3,3 млн.). Мемлекеттік тілі – [[бенгали тілі]], ресми діні – [[ислам]] (85%).

Бангладеш дүние жүзіндегі халқы өте тығыз орналасқан аймақтардың бірі. Халқының басым көпшілігі – [[бенгалдар]] (барлық халықтың 95%-ы). Қалған 5%-ға жуығы [[чакма]], [[могх]], [[гаро]], [[целу]], [[санталдар]], т.б. үлесіне тиеді.

Елді [[президент]] басқарады. Заң шығарушы органы бір палаталы Ұлттық жиналыс. Бангладеш [[Ганг]], [[Брахмапутра өзені|Брахмапутра]], [[Мегхна]] өзендерінің бастауында орналасқан.

Ағылшындар Бангладешті [[1757 ж.]] маусымның жиырма үші күні болған Плесса маңындағы шайқастан кейін өз отарына айналдырды. 19 ғасырда отаршылдық езгіге қарсы ұлт-азаттық қозғалыс кең өріс алды. [[Ұлыбритания]]ның [[1947 ж.]] Үндістанды екіге бөлуі нәтижесінде Бенгалияның үндістер мекендеген батыс бөлігі Үндістанда қалды да, мұсылмандар тұратын шығыс бөлігі [[Пәкістан]] (халқының 98%-ы бенгалдар) құрамына кірді. Шығыс Пәкстандағы ұлттық шиеленістер Пәкстанда бірнеше рет ([[1952]], [[1954]], [[1958]]) саяси дағдарыстар туғызып, [[1969 ж.]] [[Айюб әулеті|Айюб Хан]] режимінің құлауына себепші болды. Оның орнына үкімет басына келген Яхья Хан елде тұңғыш рет парламент сайлауын ([[1970]]) өткізуге мәжбүр болды. Сол кезде Шығыс Пәкстанға автономия беру мәселесін көтерген Халықтық Лига партиясы жеңіп шықты. Ұзаққа созылған күрес нәтижесінде [[1971 жыл]]дың желтоқсанның он алтысы күні Бангладеш Халық Республикасы құрылды. [[1971 ж.]] наурыздың жиырма алтысын Тәуелсіздік күні деп жарияланды.