Шоқыр: Нұсқалар арасындағы айырмашылық

'''ШОҚЫР''' (Acіpenser stellatus) – [[Бекіре|бекіре]] тұқымдасына жататын балық. Негізінен [[Қара теңіз|Қара]], [[Азов теңіз|Азов теңіз]]дерінде тіршілік етеді. [[Қазақстан|Қазақстанда]] [[Каспий теңізтеңізі|Каспий теңізінде]], оған құйылатын [[Жайық]] өзенде таралған. Дене пішіні жебе сияқты созылған. Тұмсығы ұзын (ол басының ұзындығының 60%-дайын алады), мұртшасы қысқа. Арқасы бүйір сүйектеріне дейін қара, бауыры ақшыл түсті. Балықтың ұзындығы 160 см, салмағы 14 кг-дай. Көктем мен күзде, сәуір айынан бастап, тамызға дейін [[Уылдырық|уылдырық]] (475 мың, диаметрі 3 мм-дей) шашады. Уылдырық шашып болған ересек балықтар мен шабақтары теңізге ойысады да, мұнда қорек іздеп, қоныс аударып отырады. Майда шабақтары [[Зоопланктон|зоопланктонмен]], ал ересектері ұсақ балықтармен және [[Моллюск|моллюскалармен]] қоректенеді. Кәсіптік мәні бар аса бағалы балық. Ауланатын бекіре балықтарының ішінде 1-орында. Еті, уылдырығы – дәмді тағам, торсылдағынан желім дайындалады. Бекіре, сүрік, пілмай балықтарымен будандастырылған будандары бар.