Конституциялық құқық: Нұсқалар арасындағы айырмашылық

Конституциялық құқық нормалары реттейтін, бекітетін әлеуметтік қатынастар Конституциялық құқық пәні болып табылады. Ол қоғамдағы аса маңызды қатынастардан құралады.Конституциялық құқық нормалары реттейтін қатынастардың аясы кең. Өзге құқық нормалары қоғам өмірінің нақты бір саласына әсер етсе, Конституциялық құқық нормалары қоғамның барлық салаларына: [[саяси]], [[экономикалық]], [[әлеуметтік]], [[мәдени]], [[рухани]], т.б. салаларға әсер етеді. Алайда, Конституциялық құқық нормалары аталмыш салаларды толығымен, тұтастай реттемейді. Олар тиісті салалардың бастапқы, негізгі қатынастарын ғана реттейді. Сөйтіп, Конституциялық құқық өзге салалар үшін базалық мәнге ие болып, іргетасқа айналады. Яғни Конституциялық құқық нормаларымен реттелетін әлеум. қатынастардың негізінде өзге құқық салаларының нормалары пайда болып, ол қатынастарды әрі қарай дамытып, жетілдіріп отырады.

Конституциялық құқық – [[ұлттық құқықтың]] бір саласы, ол сондай-ақ, [[ғылым]] және оқу пәні. Ғылым ретінде Конституциялық құқық – құқық саласы ретіндегі Конституциялық құқық туралы, яғни Конституциялық құқық нормалары , олармен реттелетін әлеуметтік қатынастар туралы ғылыми ережелердің жиынтығы. Оқу пәні ретінде Конституциялық құқық – шәкірттердің оқып, пайдалануына арналған білім жүйесі, кәсіби білікті [[заңгер]] болудың алғашқы, негізгі іргетасы.