Жазу: Нұсқалар арасындағы айырмашылық

[[Сурет:US Navy 040607-N-5362A-029 A mourner writes her condolences on a memory board for former President Ronald Reagan at the gate of the Ronald Reagan Presidential Library in Simi Valley, Calif.jpg|200px|thumb|right]]'''Жазу''' – ''адамның ой-пікірін, басқа адамға хабарлап айтқысы келген сөзін, мағлұматын таңбалар арқылы жеткізуді қамтамасыз ететін белгілер жүйесі''. Оның алғашқы нұсқалары өте ерте заманда жасалды. Адамдар алғашқы жазу құралы ретінде саз балшықтан жасалған тақтаны, ағаштың қабығын, т.б. пайдаланған. </br>
Адамзат тарихындағы жазу төрт түрге бөлінеді:</br>
1) [[пиктографиялық жазу]] – жазудың ең көне түрі. Зерттеушілер жазудың бұл түрі неолит дәуірінде пайда болған деп есептейді. Мұнда хабарлануға тиісті оқиғаға қатысты заттардың суреті салынады; </br>
2) [[идеографиялық жазу]] – жекелеген сөздерді, морфемаларды сурет немесе шартты таңбалар арқылы белгілейді. Онда әр сөздің тұрақты графикалық таңбасы, әр таңбаның меншікті мағынасы болады. Идеографиялық жазудың бір түрі – [[иероглиф]] жазу;</br>
3) [[буын жазуы]]нда — сөз құрамындағы әрбір буын жеке таңбамен белгіленеді;
4) [[дыбыстық жазу]] (әріп жазуы) – жазудың дамып жетілген түрі, тіл дыбыстарын, фонемаларды әріппен таңбалайтын жазу жүйесі. Дыбыстық жазулардың ең көне түрлері – [[финикий]], арамей және грек жазулары. [[Көне түркі жазуы]] да дыбыстық жазудың ең ежелгі түріне жатады. Қазақ халқының жазу тарихы көне түркі жазуынан басталған. Түркі халықтары, оның ішінде қазақ халқы кейін мұсылман дінінің таралуымен бірге келген араб әліпбиін ұзақ уақыт қолданды. 1926 ж. [[Ахмет Байтұрсынов]] араб әліпбиін қазақ тілінің ерекшеліктеріне сәйкес жеңілдетіп, “төте жазу” әліпбиін жасады. 1929 жылдан бастап 1940 жылға дейін қазақ халқы латын әліпбиінде жазып келіп, кейін кириллицаға көшті. Қазіргі түркі мемлекеттерінің көпшілігінде латын әліпбиіне негізделген жазуға көшу үрдісі қайтадан бел алып келеді.