'''Померанцев Юрий Борисович'''<ref name="source1">Қазақстан энциклопедиясы, VII-том</ref> (11.2.[[1923]] жылы туылғантуған, [[Киев]]) — [[актер]], [[режиссер]], [[педагог]], [[Қазақ КСР|Қазақ КСР-інің]] халық артисі (1961). [[Екінші дүниежүзілік соғыс|2-дүниежүзілік соғысқа]] қатысқан. Сахналық өнер жолын [[1943]] ж.[[Абай атындағы қазақ мемлекеттік академиялық опера және балет театры|Қазақтың мемлекеттік академиялық опера және балет театрынан]] бастады. [[1945]] — [[1953]] ж. Қазақстанның балалар мен жасөспірімдер театрының [[орыс]] группасында (қазіргі Орыс мемлекеттік академиялық балалар мен жасөспірімдер театры) қызмет етті. Тұңғыш ойнаған рөлі — С.В. Михалковтың “Мақтаншақ қоянындағы” қасқыр. Сонымен қатар ол әр алуан шынайы сахналық образдар галереясын жасады. Ойнаған басты рөлдері қатарында қазақ драматургиясы бойынша ойшыл, ақын [[Абай Құнанбаев|Абай]] мен оның жақын, пікірлес достарының бірі Долгов ([[Мұхтар Әуезов|М.Әуезов]] пен Л.С. Соболев “[[Абай]]”), болыс Майқан (Әуезов “Түнгі сарын”) және Варламов (М.Сәрсекеев “Жарылыс”), т.б. секілді ой-санасы мен ішкі жан сезімі бір-біріне ұқсамайтын мінез-кейіптер бар. Ол — сөздің мән-мағынасына ерекше ден қоятын, өткір мінезді, сахналық бояуы мол актер. Спектакльдер қоюмен және педагогикалық қызметпен де шұғылданды. [[1957]] жылдан киноға түскен: дәрігер Лавров (“Біздің сүйікті дәрігерде”), т.б. 7-сайлауда Қазақ КСР-і Жоғарғы Кеңесінің депутаты болған. Қазақ КСР-і мемлекеттік сыйлығын (М.Ф. Шатровтың “Алтыншы шілде” спектакліндегі Дзержинский рөлі үшін, [[1967]]) алған. Еңбек Қызыл Ту, 2 рет “Құрмет белгісі” ордендерімен және медальдармен марапатталған.<ref>Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8</ref><ref>Қазақстан Республикасында кімнің кім екені – 2011. 2 томдық анықтамалық. Алматы, 2011. ISBN 978-601-278-473-2</ref>
