Жесір қара өрмекші

Жесір қара өрмекші – қарақұрттар тобына жататын өрмекшілердің бір түрі. Жесір қара өрмекшілер солтүстік және оңтүстік, батыс қара өрмекшілері болып бөлінеді. Денесінің ұзындығы – 12 мм, аяқтарының ұзындығы да 12 мм шамасынды. Кеудесі шар тәрізді. Аналықтарының да, аталықтарының да реңі қара, кейде қоңыр түсті болып келеді. Балалары ақ немесе ақшыл-сары түсті, кейіннен түлеген сайын қараяды. Кейде аналықтары ұрықтағаннан кейін аталықтарын жеп қояды. Осыған байланысты оларды «жесір қара өрмекші» деп атайды. Аналықтары 300-400-дей жұмыртқа салады. Олардың балалары улы емес, бірақ аналары тәрізді олар да піллә кезінде бір-бірін жеп қояды. Сондықтан 1-12 аралығында өрмекші өмірге келеді. Жесір қара өрмекшілер – өрмекшітәрізділердің ішіндегі ең улысы болып саналады. Олардың уының күші сылдырмақты жыландардың уынан күштірек. Дегенмен жесір қара өрмекшінің уы адам үшін қауіпсіз. Жануарлар аналық қара өрмекшінің уынан зардап шексе, жәндіктер үшін аталығының уы қауіптірек. Бұл өрмекшілер жер шарының барлық жылы, қоңыржай бөлігінде таралған. Жесір қара өрмекшілер дара тіршілік етеді, тек ұрықтану кезінде ғана бірігіп өмір сүреді.