'''Бұлғын''' ({{lang-la|Martes zibellina}}) – [[сусарсусарлар тұқымдасы|сусарлар]] тұқымдасынатұқымдасының жататын[[сусарлар]] жыртқыштуысына жататын [[аңЖыртқыштар|жыртқыш]] сүтқоректі аң. Дене тұрқы 40 – 55 см, құйрығы – 20 см-дей, салмағы 0,4 – 1,6 кг. [[Қазақстан]]да [[Алтай]]дың қылқан жапырақты ормандарында кездеседі. [[Құлақ]] қалқаны жалпақ, дөңгеленген ұшы үшбұрышты. Денесіндегі жүндері қалың қою жібектей, түсі – бурыл, сарғыш, қара қоңыр, алқымында кішкене ақшыл дағы болады. Сирағы қысқа, қимылы икемді келеді. Ұсақ [[жәндіктер]]мен, [[самырсын]] жаңғағымен, [[жидек]]пен қоректенеді. Кейде жабайы бал арасының балын да жейді. Шыршалы, майқарағайлы ормандардағы [[ағаш]] діңдері мен [[тас]] қуыстарды мекендейді. Мекендейтін жерлерінен көп ұзамайды, азығы азайған жылдары орманның бір жерінен екінші жеріне қоныс аударады. Табиғи жағдайда 1 жыл 3 айда жыныстық жағынан жетіледі. Бұлар 2 рет ([[наурыз]] – [[маусым]]да және [[тамыз]] – [[қараша]]да) түлейді. Бұлғын маусым – тамызда шағылысып, 245 – 300 күннен кейін наурыздың аяғында, 2 – 6 соқыр күшіктен туады. Күшіктерінің салмағы 30 г-дай, дене тұрқы 11 – 12 см. 30 – 36 күнде олардың көздері ашылып, тістері шыға бастайды, ал 3,5 айда тұрақты тістері қалыптасады. Бұлғын – терісі өте бағалы аң. Терісінен [[бас киім]] тігіледі.<ref name="source1">Қазақ Энциклопедиясы II том</ref>