Аңтәрізділер: Нұсқалар арасындағы айырмашылық

[[Сурет:Dimetrodon.jpg|200px|thumb|Dimetrodon]]

'''Аңтәрізділер ''' (Synapsіda) – ''ерте заманның аңтәрізді [[бауырымен жорғалаушылар]]ы''. Аңтәрізділердің сүйектері алғаш рет Батыс [[Орал]]да [[пермь]] кезеңінің мыс құмдарының арасынан табылған. Олардың сүйек қалдықтары [[Азия]], [[Еуропа]], [[Солтүстік Америка]], Африка құрлықтарының тас көмір дәуірінен бастап, [[юра]]ның ортасына дейінгі [[геология|геологикалық]] тұнба қабаттарында кездескен. Аңтәрізділер бұл дәуірде [[котилозавр]]алардан бастап, жоғары сатыдағы [[териодонт]]тарға дейін дамыған. Көпшілігі [[жыртқыш]] ([[горгонопсий]] тұқымдастары) болған. [[Пеликозавр]]лар сияқты түрлері өсімдіктермен, ал кейбір түрлері ұлулармен, жәндіктермен қоректенген. Бұл жануарлардың арасында қазіргі кемірушілердей ұсақ, [[мүйізтұмсық]]тардай ірі түрлері де болған. Негізінен құрлықта, кейбір түрі ([[офиаконодонт]]тар, [[дейноцефал]]дар, [[листрозавр]]лар) тұщы көлдердің бойында, батпақты жерлерде тіршілік еткен. [[Дицинодонт]] сияқты түрлерінің саусақтары жер қазуға бейім келген. Аңтәрізділердің 60-қа жуық тұқымдасы, мыңнан аса түрлері болған. Бұлардың синопсидтер деп аталатын түрі [[сүтқоректі]]лердің арғы тегі болып саналады.<ref>[[Қазақ энциклопедиясы]] I том</ref>