Үй жануарлары: Нұсқалар арасындағы айырмашылық

Үй жануарлары тек материалдық байлық көзі ғана емес, сонымен бірге, рухани қазына болып есептелінеді. Жаңа ортаның әсері және қолдан іріктеу, жұп таңдау нәтижесінде бұларда адамға пайдалы жабайы жануардан өзгеше қасиеттер пайда болды. Осы кездегі мал тұқымдары өзінің жабайы ата тегінен едәуір ірі, етті, аяқтары қысқа, тұрқында да өзгерістер байқалады. Мысалы, ең ірі ит тұқымы — [[сенбернар]], оның салмағы 77 кг-дай болса, ең кішкентай ит — [[чихуахуа]], оның салмағы 450 г-нан аспайды. Ең кішкентай [[сингапур мысығы]]ның салмағы — 1 кг 81 г болса, ал ең ірі мысық — [[рэгдолл]], ол 9 кг-дай салмақ тартады. Тегіне қарағанда үй жануарларының сүйегі жеңіл, омыртқа саны аз, бас сүйегі кіші, сондай-ақ мүйізі, ішкі органдары да өзгеріске ұшырады. Бұлардың [[өкпе]]сі, [[Жүрек|жүрегі]], [[Бүйрек|бүйрегі]] жабайы ата тегіне қарағанда кемірек дамыған, жыныс ерекшеліктерінде де көптеген өзгерістер байқалады. Ата тегімен салыстырғанда үй жануарларының [[жүйке жүйесі]]нде де өзгерістер пайда болды. Мысалы, қолдағы мал [[Ми|миының]] көлемі кішірейіп, салмағы азайған, көру, есту, иіс сезу органдарының қызметі төмендеген. Оның есесіне үй жануарларынан алынатын [[ет]], [[сүт]], [[жұмыртқа]], [[жүн]], т.б. мөлшері көбейді. Атап айтқанда, ең жақсы жүн [[меринос]] қойларынан алынады.