Агреман

АГРЕМАН (фр. agrйment — келісім) — жолдаушы мемлекет дипломатиялық өкіл лауазымына тағайындаған адамға қабылдаушы ел үкіметінің келісім беруі. АГРЕМАН жолдаушы мемлекеттің сыртқы істер министрлігі арқылы тек дипломат. өкілдіктің басшысына ғана жазбаша түрде сұратылады. АГРЕМАН жөніндегі жазбалар жария етілмеуі тиіс. АГРЕМАН беруден бас тартқан ретте дипломатиялық өкілді жолдаушы мемлекеттің оның себебін түсіндіруді талап етуге қақысы жоқ. Кейбір елдердің дипломатиялық тәжірибесінде АГРЕМАНды ауызша сұратып, оған ауызша жауап алу фактілері де ұшырасады. Егер АГРЕМАН берілсе, онда дипломат. өкілдіктің басшысы қызметіне үміткер — “persona grata” (“қалаулы адам”); егер АГРЕМАН беруден бас тартылса, осы қызметке үміткер — “persona non grata” (“қалаусыз адам”) болып саналады.

Қолданылған әдебиеттер

• Қазақ ұлттық энциклопедиясы