Тұрысбек Маманұлы: Нұсқалар арасындағы айырмашылық

'''ТҰРЫСБЕК''' ''Маманұлы'' (1844, бұрынғы [[Жетісу]] облысы Қапал у. Ақтасты мекені – 1904, сонда) – қазақ кәсіпкері. ''Маман'' байдың тұңғыш ұлы. Қапал қ-ндағы “Якобия” медресесінде білім алған. Жастайынан [[татар]], [[орыс]] саудагерлерімен араласып, сауда-саттықпен айналысқан. Орта [[Азия]] қ-ларындағы базарларға мал айдап апарып, күнделікті тұрмысқа қажетті бұйымдарға айырбастаған. Жетісу өңірінде – [[Қапал]], [[Тасбөгет]], [[Ақсу]], [[Саркент]], [[Лепсі]] елді мекендерінде дүкен ашып, байыған. 1873 жылы ол Арасан болысының басқарушылығына сайланған соң Қарасу мен Сүттіген өзендерінің аралығындағы жазыққа қала сала бастады. Көкқия тауының бұлақтарын бұрып, Қараағаш атанған қала ортасынан тоған байлатты, сортаң жазықты көк жасыл шұратқа айналдырды. Бұл жер [[Қытай|Қытайға]], Құлжа мен Үрімшіге баратын сауда жолы болғандықтан керуен сарайын салдырды. 1878 жылы ол қажылық сапармен Меккеге барып келген соң Қараағашта мешіт және медресе салуға кірісті. 1899 жылы ашылған медреседе оқу араб тілінде жүргізіліп, жергілікті балалар мұсылмандық шарттарынан (әптиек, мұхтасар, аллаяр, т.б.) дәріс алды. 1895 жылы Тұрысбек екінші рет қажылық сапармен Меккеге барып келді. 1904 жылы науқастанып, қайтыс болған Тұрысбек тің ісін інісі Сейітбаттал қажы жалғастырып, Қапал өңірінде оқу-ағарту жұмысын жандандырды; қ. ''“Мамания”'' мектебі.