'''Еділбай қойы''' – ет-май өндіру бағытында өсірілетін қылшық жүнді, құйрықты қазақы [[қой]] тұқымының бір түрі. 19 ғ-дыңғасырдың аяғында Еділ-Жайық бойынан тараған. Құрғақ және [[шөлейт]] аймақтарда өсіруге бейімделген. Түсі бозғылт, қызыл қоңыр, көбінесе қара болады. Дене бітімі мығым, басы үлкен, тұрқы ұзын, жоталы, кеудесі кең, құйрығы үлкен. [[Қошқар]]ының тірідей салм. 100 – 120 кг (160 кг-ға дейін), саулығы 65 – 75 кг (115 кг-ға дейін), [[қозы]]сы енесінен айырғанда 40 – 45 кг тартады. Е.Еділбай қ.қойы өсімтал келеді, тез ет алады. Семіз ісектің сойыс салм. 40 – 45 кг, құйрық майы 10 – 12 кг. Ет түсімі 50 – 55%. Жүн түсімі де басқа құйрықты қой тұқымдарынан жоғары, [[түбіт]]і көбірек, қылшығының ұз. 15 см, жіңішке әрі жұмсақ. Қошқарынан 3,5 – 5 кг, саулығынан 2,3 – 2,6 кг, қозысынан 0,6 – 1,0 кг жүн қырқылады. Әр 100 саулықтан 110 – 115 қозы алынады. Е.Еділбай қ.қойы құйрықты қазақы қой тұқымдарын жақсарту үшін пайдаланылады. Көбінесе [[Батыс Қазақстан]], [[Қарағанды облысы|Қарағанды облыс]]тарында өсіріледі. [[Санат:Қазақстан табиғаты]]
