Ақсары жоңышқа: Нұсқалар арасындағы айырмашылық

'''Ақсары жоңышқасы ''' (''Medіcago ochroleuca'') – [[бұршақ тұқымдасы]]на жататын [[жоңышқа]] туысының бір түрі, көп жылдық [[өсімдік]]. Қазақстанда [[Талас Алатауы]]ның батысындағы [[Ақсу-Жабағылы қорығы|Ақсу-Жабағылы]] тауының солтүстік тасты беткейлерінде, биік тау белдеулерінде, аршалы бұта, [[орман]] арасында өседі. Биіктігі 75 – 80 см, сабағы тік, [[жапырақ]]тары үш құлақты, жапырақшалары ұзынша, түкті, кейде жалаң болады. Гүлі сары түсті, бұршағы имек, бозқоңыр түсті келеді. Маусым – шілде айларында гүлдейді. Тамыз – қыркүйекте [[жеміс]] береді. Тұқымынан және өсімді жолмен көбейеді. Ақсары жоңышқа – құнарлы мал азығы. Сирек кездесетіндіктен [[Ақсу-Жабағылы қорығы]]нда қорғауға алынып, Қазақстанның [[Қызыл кітап|Қызыл кітабына]] енгізілген.<ref>Қазақ энциклопедиясы 7- том, ҚР табиғаты</ref><ref>Отырар. Энциклопедия. – Алматы. «Арыс» баспасы, 2005 ISBN 9965-17-272-2</ref>