Махмұт Қасымбеков

Махмұт Қасымбеков Базарқұлұлы (2.8.1952 жылы туылған, Шу қаласы) – қоғам қайраткері, ғалым, саясаттану ғылым докторы ҚазПИ-ді (1974), Алматы халық шаруашылық институтын (1985), Алматы жоғары партия мектебін (1987) бітірген. Еңбек жолын 1969 жылы орта мектепте пионер ұйымының жетекшісі болып бастап, 1970 – 76 жылдары студент, Қазақ мемлекеттік университеті комсомол комитетінің хатшысы болды. 1976 – 83 жылдары Алматы қалалық комсомол комитетінің хатшысы, Қазақстан ЛКЖО ОК-нің бөлім меңгерушісі, 1983 – 90 жылдары Алматы облысы партия к-тінің нұсқаушысы, Қазақстан Компартиясы ОК-інде сектор меңгерушісі, Қазақ КСР Президенті Аппаратында сектор меңгерушісі. 1990 – 94 жылдары ҚР Президенті және Министрлер Кабинеті Аппаратында бөлім меңгерушісі, 1994 – 96 жылдары ҚР Президенті Әкімшілігінде бөлім меңгерушісі, 1996 жылдан ҚР Президенті Кеңсесінің меңгерушісі. ҚР Мемлекеттік сыйлық лауреаты (2001), «Құрмет» орденінің иегері, 8 монографияның, 50 ғылыми еңбектің авторы.

Пайдаланған әдебиет

“Тараз энциклопедиясы”