'''Тұқылар''' (Cyprіnіdae) – тұқытәрізділер отрядының бір тұқымдасы.
[[Сурет:Common carp.jpg|300px250px]]
Тұщы суда тіршілік етеді, араларында өткінші түрлері де кездеседі. Жер шарында кең тараған (тек [[Оңтүстік Америка]] мен [[Мадагаскар|Мадагаскарда]] кездеспейді), 19 ғасырдың аяғында [[Австралия|Австралияда]] жерсіндірілген. 270 туысы, 1500-дан астам түрі белгілі. Қазақстанның барлық су айдындарында кездесетін 33 туысы, 90-ға жуық түрі бар. Уылдырығын негізінен су түбіндегі шөпке шашады, араларында тасқа немесе құмға шашатындары да кездеседі. Тұқылар – кәсіптік маңызы бар балықтар ([[қаракөз]], [[сазан]], [[тыран]], [[оңғақ]], [[шемей]], т.б.). Сондай-ақ балық тоғандарында жақсы өсіріледі және жерсіндіруге бейім келеді (тұқы, табан, ақ амур, дөңмаңдай, т.б.). Қазақстанда [[күтім]], [[шортантәрізді ақмарқа]], [[арал қаязы]], [[түркістан қаязы]], [[шу сүйрік аққанаты]], [[көкбас]] – өте сирек кездесетін балықтар, сондықтан қорғауға алынып, Қазақстанның “[[Қызыл кітап|Қызыл кітабына]]” енгізілген.
==Сілтемелер==
[[Қазақ Энциклопедиясы|"Қазақ Энциклопедиясы"]], 8 том
