Баршатас: Нұсқалар арасындағы айырмашылық

Content deleted Content added
61-жол:
== Тарихы ==
Алғашқыда Баршатас "Жаңа дәуір" колхозы, ал [[1932 жыл]]дан 64 жыл бойы бұрынғы Шұбартау ауданының орталығы болып саналып, тек [[1997 жыл]]ы Шұбартау ауданы таратылып Аякөз ауданына екінші қайтара біріктірілгенде селолық округ атанды.
[Іргелі елдімекеннің "Жаңа дәуір" колхозы кезіндегі алғашқы басшысы КазЦИК мүшесі (қазіргі ''Нұр Отан'' ХДП бюро мүшесі іспеттес) Рақымжан Жолдиннің (30.12.1937 ж.атылған), СОКП-ның тұсында ауданды басқару тізгінін ұстаған К.Нұрбаевтың, Ш.Мақашевтың және басқарудың жаңаша түрі еңгізілгенде алғашқы әкімі Т.Баяхметбаев пен Р.Сихымбаев, селолық округ аталғанда әкімі Б.Нұғыманов болғандығы ел есінде. Тағы да деректер мен дәйектерге жүгінсем: Баршатаста 1923 жылы алғаш бағдарламалық оқуға негізделген бастауыш мектеп ашылып, меңгерушілігіне Түрікбай Меңаяқов тағайындалды. 2006 жылдың 9 тамызында ҚР Үкіметінің №753 қаулысымен №1 Баршатас орта мектебіне Оспанқұл Меңаяқұлының есімі берілді. Ал 2008 жылы іргелі білім ордасының 85 жылдығы кең көлемде аталып өтілді. 1935 жылы Баршатаста халық үні "Социалистік малшы" газеті өз баспаханасында басылып шықты. 1979 жылы Шұбартау аудандық комсомол ұйымы марапатталған "Еңбек Қызыл Ту" ордені төрінен орын алған жер де осы Баршатас. Бүгінде Баршатас ауылында 3012 адам тұрады. Қазіргі уақыт межесінде олар үшін рухани қымбат құндылық туған жерге деген сүйіспеншілік пен әлеуметтік-тұрмыстық жағдайларының қалыптылығы. Олар бабалары салған береке-бірліктің ізін аға толқын басқанын саналарына терең ұялатумен қатар, өздері де осынау ұлағаттылық үрдісін жалғастыруда. "Сүйіспеншілік" деген теңеуімнің түп төркіні - жөн сұрасқан қазақтар ауызекі сөзінде дәстүрге енген "Жондағы Жобалай елі" десе, шұрайлы Шұбартау өңірі деп те аталады. Ақиқатты сөз. Себебі, 1760 жылы Алтай-Сауыр тауларындағы Жастабан керейдің 200 үйін Дағанды, Бақанас өзендері бойына Жобалай би мен Шақантай батыр алғаш қоныстандырған-ды. Кейінірек бұл өңірге төлеңгіттер қоныстас қонған. Бұл туралы Баршатас ауылының байырғы тұрғыны, бүгінде 91 жасқа келген шежіреші қария С.Бауов өзінің "Менің Шұбартауым" атты кітабында: "Шұбартау төлеңгіттері үлкен үш халықтан: қазақ, қалмақ және қырғыздан құралған ру. "Ақтабан шұбырынды, Алқакөл сұлама" деп аталған қазақ пен қалмақ арасындағы қырғын соғыстан бұрынырақ пайда болған. Сондықтан да жұрт оны "Жаназардың туына, Өмірзақтың құтына жиналған"- деп түйіндейді. Сөз орайында, өткен жылы Көпен, Қадыртай Қаспақов, Б.Кемелбеков, К.Әжібеков және басқа да ұрпақтары Балқаш көлінен 51 шақырымдағы Қусақ өзеніне жақын Жалғызтаудағы [[Жаназар батыр]] мен Өмірзақ бидің мәңгілік мекендеріне тағзым етіп, қос тұлғаға ескерткіш белгі қойғанын да айтпақпын. Сонымен, Баршатас ауылына қатысты дерек пен дәйектерді келтіруім, шежірені тілге тиек етуім - бұл өңірдің өткені тұтас қазақ елінің тарихымен байланыстылығын бағамдағаным. Әрі ұрпақтар сабақтастығы деген ұғымның аясында жоғарыдағы "бабалары салған береке-бірліктің ізін" дегеннің шынайылығына байламым. Сөзімнің түйініне жергілікті ақын Н.Қарабалиннің өлең жолдарын өзек еттім: Шұбартаудың төрісің сен - Баршатас, Алтын бесік - өзісің сен, Баршатас. Небір қилы заман өткен басынан, Көне тарих көзісің сен - Баршатас. Ауылында көп ақылгөй-данасы,
Еңбекпенен етене әр баласы. Қыздыратын, суаратын, шыңдайтын, Сен өмірдің нағыз ұстаханасы. Еліміздің бүгінгі өркендеуі мен болашағына нық сенімдегі Баршатас селолық округі тұрғындары да сан қырлы берекелі істердің көш басынан көрінуде. "Бірлік бар жерде тірлік бар" дегендей, баршатастықтар жеке еңбек түрлерімен айналысу айтарлықтай оң нәтижелерге жетуде. Мәселен, жекеменшік секторларда мал басын өсіріп, өнімін өндіру арқылы өздерін азық-түлікпен қамтамасыз етіп отыр. 3681 ірі қара, 7646 қой-ешкі мен 724 жылқы есепке алынса, 610 тонна ет, 2020 тонна сүт, 61 мың дана жұмыртқа жиналып, 16 тонна жүн қырқылған. Өкініштісі, тонналаған жүн болғанымен ұқсатылуы мардымсыз-ақ. Округте мал тұқымын асылдандыратын және бордақылау орындары іске қосылса мал өсіретін 12 шаруа қожалығы мен тұрғындар үшін пайдалы болар еді. Күні кеше Елбасымыз өз Жолдауында қазақстандықтардың әлеуметтік қорғалуы бағытындағы басымдылық, әлемдік дағдарыс қарсаңында Қазақстанның тұрақты дамыған мемлекеттер қатарында болатындығына маңыз берілді. Осы орайда әлеуметтік қорғау дегенге келсек, баршатастық 17 жанұяға әлеуметтік көмек, 94 жанұяға балалар жәрдемақысы, 94 адамға мүгедектігіне, 252 адамға зейнеткер ретінде және 34 адамға асыраушысынан айырылуына байланысты төлемдер төленеді. 2010 жылы бұрынғы иесіз қалған ғимарат "Жол картасы" есебінен 23 млн. теңгеге күрделі жөндеуден өткізіліп, 50 орындық балабақша пайдалануға берілді, осылайша 27 адам еңбекпен қамтылған. Мемлекеттік "Дипломмен - ауылға" бағдарламасы бойынша А.Әбеуова балабақшаға әдіскер болып орналасып, оған пайызсыз несие беріліп, тұрғын үймен қамтамасыз етілді. Бүгінде Б.Төлегенова басқаратын балабақшада бүлдіршіндерге "Балапан" бағдарламасымен тәлім-тәрбие берілуде. Үстіміздегі жылы Баршатас ауылдық округінде атқарылар істерге аудандық бюджеттен 3 миллион теңге РТС пен Балға мөлтек мекенін жарықтандыруға, орталық саябақты абаттандыруға 3 миллион 340 мың, мини футбол алаңына 5,5 миллион және О. Меңаяқұлы атындағы орта мектептің сыртқы жөндеу жұмыстарына 2 миллион 126 мың теңге қаратылған. Ал таяуда ШҚО әкімі Б. Сапарбаев Баршатас ауылында болғанында облыстық бюджеттен 32 миллион теңгені аурухананың бірінші қабатын жөндеуге және ішкі су жүйесін жаңартуға бөлді. Сөз ретінде айтарым, Аякөз аудандық мәслихат депутаты М.Өнербаев басқаратың 25 төсекті статционарлық және 10 төсектік күндізгі емдеу мекемесінде Ш.Ташкенбаева, С.Ғайсина, Ж.Сыдықова, С.Хасенов сынды дәрігерлер мен медбикелер Н.Сапарғалиева, С.Ожарова, Б.Қабдуалиева, Б.Жұмабекова жерлестеріне қызмет көрсетеді. Олардын қатарын "Дипломмен - ауылға" келіп, еңбек жолын бастаған дәрігер хирург А.Сарқытбаев толықтырды. Орта және шағын бизнестің әлеуметтік жауапкершілігі мен "Туған жерге тағзым" акциясы аясында шалғайдағы Баршатас ауылында 2010-11 жылдары айтарлықтай істер атқарылған. Бұл ретте жергілікті кәсіпкер С.Махметов 30 орындық монша ашып, 5 адамды жұмысқа қабылдаса, Ж.Жакенов бос тұрған ғимаратты жөндегеннен кейін 15 млн. теңге көлемінде қаражат жұмсап кондитер цехын іске қосып, 11 адамды жұмыспен қамтыған. Ал, кәсіпкер А.Өнербаев Тәуелсіздіктің 20 жылдығы қарсаңында өз күшімен орталық саябаққа биіктігі 12 метрлік "Алтын Сарбаз" монументінің көшірмесін тұрғызған. Сондай-ақ, Ауған соғысының ардагері А.Самратбеков өз қаражаты есебінен "Тир" ашса, С.Тенебеков автокөлік дөңгелектерін монтаждау (жөндеу) цехын іске қосқан. Бюджет қаржысынан тыс кәсіпкерлер қолдауымен "Шұбартау көтерілісінің 80 жылдығына" арналған ескерткіш тұрғызу мен [[Риддер]] қаласынан 40 түп шырша көшеттері әкелініп отырғызылатын болды. Аудан кәсіпкерлері де бюджеттен тыс 2 миллион теңге көлемінде демеушілік көрсетпек.]
 
{{Аягөз ауданы елді мекендері}}
 
«https://kk.wikipedia.org/wiki/Баршатас» бетінен алынған