Ынталы (Ордабасы ауданы)

Ынталы – Ордабасы ауданындағы ауыл, Қажымұқан ауылдық округ құрамында. Аудан орталығы – Темірлан аулынан оңтүстік-батысқа қарай 2 км жерде, Арыс өзеннің орта ағысы бойында орналасқан. Тұрғыны 2,4 мың адам (2004). Іргесі «Желтимес», «Қар жантақ», «Ақ киіз», «Жалғыз ағаш» елді мекендері негізінде 1920 – 30 жылдары қаланды. Алғашқы артельдер «Қызыл әскер», «Қызыл жұлдыз», «Елтай», «Ерназар» аталып, 1928 ж. «Ерназар», «Бейнетқор» ұжымшары ұйымдастырылған. 1963 жылдан Қажымұқан атындағы мақта кеңшарының құрамында болды. Оның негізінде шаруа қожалықтары құрылды. Ауыл 1999 жылға дейін Коммунизм аулы аталып келді. Ынталыда орта мектеп, клуб, кітапхана, фельдшер-акушерлік пункт жұмыс істейді. Ауылда Төрекелді Кәлпенің мешіті және Бәдірата тарихи ескерткіші бар.

Cілтемелер

"Оңтүстік Қазақстан облысының энциклопедиясы"