|
[[File:Moscow ArtTverskoyBvd GorkyMGorky Art Theatre 08-2016.jpg|thumb|Мәскеу көркем академиялық театры]]'''Мәскеу көркем академиялық театры'''<ref name="source1">"Қазақ энциклопедиясы",VI-том</ref>, Максим Горький атындағы Мәскеу Көркем Академиялық Театры – орыс ұлттық театры. 1898 ж. 26 қарашада Алексей Константинович Толстойдың “Патша Федор Иоанович” трагедиясымен шымылдығын ашты. Театрдың негізін салушылар – Константин Сергеевич Станиславский мен Владимир Иванович Немирович-Данченко. Мәскеу Көркем Академиялық Театры репертуар, режиссура, [[актерлік өнер]], театр істерін ұйымдастыру істерін жетілдіре келе сахна өнеріндегі шығармашылық процестің әдіснамасын қалыптастырды. Алғашқы жылдары А.П. Чехов (“Шағала”], “Ваня ағай”, “Шиелі бақ”, т.б.) пен Максим Горький (“Тоғышар”, “Шыңырау түбінде”, “Күннен туғандар”) пьесаларын қойды. Театр репертуарында классикалық шығармалардан А.С. Грибоедовтың “Ақыл азабы”, Н.В. Гогольдің “Ревизор”, Ф.М. Достоевскийдің “Ағайынды Карамазовтар”, Ж.Б. Мольердің “Жалған ауру”, т.б. пьесалары қойылды. Театр 1920 ж. академиялық театр санатына қосылып, 1932 ж. Горький есімімен аталды. 30-жылдардан бастап қазақ театр өнерінің шеберлері Мәскеу Көркем Академиялық Театры өнерпаздары шығармаларымен танысып, үлгі өнеге алды. Театрдың 50 жылдық мерейтойына [[Айманов|Ш.Айманов]], Х.Бөкеева, Қ.Қуанышбаев сынды өнер тарландары қатысып, [[Шекспир Уиллиам|У.Шекспирдің]] “Асауға тұсау” спектаклінен үзінділер орындады. 1965 ж. театр труппасы гострольдік сапармен [[Алматы]]ға келіп, Гоголь, Горький, [[Толстой Лев|Л.Н. Толстой]], А.Н.Островский, Д.Гранин, т.б. жазушылардың драмалық шығармаларын қойды. 1987 ж. [[Мәскеу]] Көркем Академиялық Театры екіге бөлініп, Горький атындағы., [[Чехов Антон|Чехов]] атындағы театрлар құрылды.<ref>Өнер: Жалпы білім беретін мектептің жаратылыстану-математика бағытындағы
11-сыныбына арналған оқулык/Қ.Болатбаев, Е.Қосбармақов, А.Еркебай. — Алматы: "Мектеп" баспасы, 2007.
ISBN 9965-33-998-8</ref>
|
