Тянь-Шаньның орталық бөлігі [[Қырғызстан]]ға, солтүстік және батыс жоталары [[Қазақстан]]ға, оңүстікоңтүстік-батыс шеті [[Өзбекстан]] мен [[Тәжікстан]]ға, шығыс бөлігі [[Қытай Халық Республикасы|Қытай]]ға қарайды. Батыстан шығысқа қарай 2500 км-ге созылып жатыр, ені 400 км. Тянь-Шань солтүстігінде [[Борохоро жотасы]] арқылы [[Жетісу Алатауы]]мен, оңтүстігінде [[Алай жотасы]] арқылы [[Памир]] тау жүйесімен түйіседі. Солтүстік шекарасы ретінде батыста [[Іле]] аңғары, [[Мойынқұм]], шығыста [[Жоңғар жазығы]] алынады. Оңтүстік шекарасы шығыста Тарим қазаншұңқырына сәйкес келеді. Ең биік жері – [[Жеңіс шыңы]] (7439 м.). Тянь-Шань ендік жоталар мен оларды бір-бірінен бөліп жатқан тауаралық ірі қазаншұңқырлардан тұрады.