'''[http://www.ig.uit.no/webgeology/webgeology_files/kazakh/minerals_kz.swf Кремний]''' (''Sіlіcіum''), Sі – элементтердің периодтық жүйесінің ІV тобындағы элемент. Тұрақты 3 [[изотоп]]ы – 28Sі, 29Sі және 30Sі бар. Жер қыртысындағы мөлшері 29,5%. Табиғатта оттектен кейінгі көп тараған элемент. Кремнийді алғаш рет '''1811 ж''. [[Гей-Люссак]] пен [[Л.Ж. Тенар]] ашқан. 1824 – 25 ж. швед химигі [[Я.Берцелиус]] фторлы кремнийді калиймен тотықсыздандырып, ал ''1865 ж.'' орыс ғалымы [[Н.Н. Бекетов]] төрт хлорлы К. мен [[мырыш]]ты әрекеттестіріп жеке бөліп алған. Кремнийдің түсі күңгірт-сұр, шайырдай жылтыр, салмағы 2,32 г/м3, балқу t 1420С, қайнау t 2600С-қа жуық. [[Өнеркәсіп]]те Кремний кремнеземді қыздырып, кокспен тотықсыздандыру, ал таза кремний төрт хлорлы кремнийді мырыш буымен тотықсыздандыру арқылы алынады. Қыздырғанда сутектен басқа кез-келген бейметалмен қосыла алады. Төменгі температурада инертті. Таза кремний [[темір]], [[мыс]], [[алюминий]], қорғасын қорытпаларында қолданылады. Ол мұндай қорытпалардың қышқылдарға төзімді, мықты,[[электр]]лік және [[магнит]]тік қасиеттерін арттырады. [[Техника]]да шала өткізгіштер ретінде пайдаланылады.
