Бұйрық Хан: Нұсқалар арасындағы айырмашылық

'''Бұйрық Хан''', Бай Бұқа (т.ж.б. — 1206) — [[Найман]] мемлекетінің батыс бөлігінің билеушісі, найман ханы [[Инаныш Білге Бұқа|Инаныш Білге Бұқаның]] екінші ұлы. Әкесі қайтыс болған соң, ағасы [[Таян]] ханмен ([[Тайбұқа]]) билікке таласып, Найман мемлекетінің батыс бөлігін, Алтай тауының оңт. мен солт-н өз қол астына қаратып алды. 1199 ж. [[Шыңғыс хан]] мен [[Керей]] хандығы одағы [[Бұйрық Хан]] иелігіне шабуыл жасады. Бұйрық Хан Үңгіркөл маңында жеңіліс тауып, [[Енесей қырғыздары]] арасына қашып кетті. Ол 1201 ж. [[Жамұқа|Жамұқаның]] басшылығымен [[татар]], [[найман]], [[ойрат]], [[тайшұғыт]], [[жажират]] секілді тайпалардың бірлескен одағының Шыңғыс ханға қарсы жасаған жорығына қатысты. Бірақ бұл жорық жеңіліспен аяқталды. 1204 ж. Шыңғыс хан Найман мемлекетіне шабуыл жасап, Таян ханды өлтіріп, ұлыстың шығыс бөлігін басып алды. [[Таян]] ханның ұлы [[Күшлік|Күшліктің]] Бұйрық Ханмен бірлесіп, Шыңғыс ханға қарсы тұрмақ болған әрекеті нәтижесіз болды. Бұйрық Хан 1206 ж. Шыңғыс хан қолының шабуылы кезінде қолға түсті. Сөйтіп Найман мемлекеті түбегейлі жойылды.

==Пайдаланылған әдебиет==