Латыш сср ғылым академиясы

Латыш ССР ғылым академиясы - Латыр ССР-інің жоғары ғылыми мекемесі,1946 жылы құрылған. Академия құрамында 23 академия және 26 корреспондент мүшесі бар. Академия жүйесінде 3 бөлім, 16 ғылыми-зерттеу институттары мен ғылыми мекемелер бар: физика-химиялық ғылымдар бөлімі, химия және биология ғылымдар бөлімі, қоғамдық ғылымдар бөлімі, радиоастрофизикалық обсерватория, ботаника бағы және т.б. Академияға ірі кітапхана қарайды. Кітап қоры- 2079 мың дана. Басты зерттеу бағыттары:қатты денелер радиациялық физикасы, конденсацияланған ортаның магниттік гидродинамикасы; энергетиканың физ.-тех. проблемалары; техникалық кибернетика; полимерлер механикасы;радиоастрофизика; табиғи және биологиялық маңызды қосылыстар химиясы; ағаш және оның негізгі компоненттер химиясы; физиологиялық активті заттар мен физиологиялық активті полимерлерді синтездеу және оның жаңа түрлерін табу; металдар химиясы; республикалық халық шаруашылығының экономикасы;латыш әдебиеті,тілі және өнерінің тарихы мен теориясы. Академия "Хабарлар" (1947), 4 бүкіл одақтық журнал: "Автоматика және есептеу техникасы"(1967), "Магниттік гидродинамика" (1965) және т.б. ғылыми еңбектер шығарды. ==Қазақ Совет энциклопедиясының бас редакциясы, 7-ші том.1975==