Евгений Григорьевич Брусиловский: Нұсқалар арасындағы айырмашылық

'''Брусиловский Евгений Григорьевич''' (12.11.1905, [[Ресей]], [[Дондағы Ростов]] — 9.5.1981, [[Мәскеу]]) — композитор, [[Қазақстан|Қазақстанның]] халық артисі (1936). [[Ленинград]] (қазіргі [[Санкт-Петербург]]) консерваториясын бітірген (1931). 1933 жылы [[КСРО Композиторлар одағы|КСРО Композиторлар одағының]] жолдамасымен [[Алматы|Алматыға]] келді. 1933 — 34 жылдары Қазақ муз. драма техникумы жанындағы халық музыкасының ғыл.-зерт. кабинетінде қызмет етті. 1934 — 38 жылы Қазақ музыка (қазіргі Қазақ опера және балет театры) театрының муз. жетекшісі, 1939 — 56 жылы Қазақстан Композиторлар одағы басқармасының төрағасы, 1956 — 76 жылдары КСРО Композиторлар одағы басқармасының мүшесі, 1944 — 51 жылдары Қазақ филармониясының көркемдік жетекшісі, 1944 — 70 жылдары Алматы консерваториясының композиция кафедрасының меңгерушісі болды. Брусиловский қазақ музыка өнерінде еуропалық бағыттағы шығармашылық мектептің қалыптасуына үлкен үлес қосты. Ол 9 опера, 2 балет, 9 симфония, “[[Кеңестік Қазақстан]]” атты кантата, оркестрге, аспаптарға арналған концерттер, 500-ден астам әндер мен романстар, сондай-ақ, [[Қазақстан]] әнұранының музыкасын ([[Төлебаев|М. Төлебаев]], [[Хамиди|Л. Хамидилермен]] бірігіп) жазды. Брусиловский қазақтың ұлттық әндерін өз шығармаларында жоғары шеберлікпен пайдаланды. Ол 250-ден астам қазақ ән-күйлерін жазып алған. Ол — “[[Қыз Жібек]]”, “[[Жалбыр]]”, “[[Ер Тарғын]]” сияқты алғашқы қазақ операларының авторы. Олар музыка мәдениетінде, елдің мәдени өмірінде зор маңызға ие болды. 1970 жылдан Мәскеуде тұрған Брусиловский қазақ тұрмысы тақырыбына 8-, 9-симфонияларын, “[[Қозы Көрпеш — Баян сұлу]]” балетін жазды. Оның шәкірттері [[Байқадамов|Б.Байқадамов]], [[Бычков|А.Бычков]], [[Күмісбеков|К.Күмісбеков]], [[Қожамияров|Қ.Қожамияров]], [[Меңдіғалиев|Н.Меңдіғалиев]], [[Мусин|Қ.Мусин]], [[Мұхамеджано|С.Мұхамеджанов]], [[Рахмадиев|Е.Рахмадиевтер]] — Қазақстанның белгілі композиторлары. Орыс және қазақ тілдерінде “Естеліктер” атты кітабы жарық көрді. КСРО Мемл. сыйл. (1948, “Кеңестік Қазақстан” кантатасы үшін), Қазақстан Мемл. сыйл. (1967, “Құрманғазы” атты 6-симфониясы үшін) лауреаты. Ленин, Еңбек Қызыл Ту, Құрмет белгісі ордендерімен марапатталған. Алматы қ-нда Брусиловский атында көше бар.

==Пайдаланылған әдебиет==