Көпжылдық орташа су шығыны [[Жансүгіров кентіауылы|Жансүгіров]] кентіауылы тұсында 11,2 м<sup>3</sup>/сек. Өзен жоғарғы ағысында тауаралық Қапал аңғарын кесіп өтіп, жазыққа шыққан соң көптеген саяз тармақтар мен арналарға бөлініп кетеді. Төменгі ағысында тарамдар, өзектер, көлдер мен батпақтар құрай отырып, [[Балқаш маңы жазығы]]н кесіп өтеді. Өзен алабының мұз құрсану аумағы 139 км<sup>2</sup>, көлемі 0,77 км<sup>3</sup> болатын 162 мұздық бар. Негізгі салалары: [[Сарқан өзені|Сарқан]], [[Қожамберді (өзен)|Қожамберді]] өзендері. Ақсу шаруашылыққа пайдалануға байланысты суы көктем мен жазда тасиды, осы кезеңде жылдық ағындысының 80%-і өтеді. Суы тұшы, минералдылығы 0,2-1,5 г/л аралығында ауытқиды. Минералдары химиялық құрамы жағынан гидрокарбонат класының кальций және магний тобына жатады. Суы егін, мал суаруға және техн. қажеттіліктерге пайдаланылады.<ref>Атамекен Географиялық энциклопедия. Алматы 2011 ISBN 9965-893-70-5</ref>
