Түс

Тус – өзінен шыққан не шағылған жарық сәулесінің спектрлік құрамы мен қарқындылығына сәйкес дененің белгілі бір көру түйсігін туғызу қасиеті. Толқын ұз. 380 нм-ден 760 нм-ге дейінгі эл.-магн. толқын түріндегі жарық сәулесі адамның көз қарашығынан өткеннен кейін оның тор қабықшасының жарық сезгіш клеткаларына әсер етеді. Денеден шыққан жарық спектрінің құрамында белгілі бір толқын ұзындығындағы сәулелер екінші бір толқын ұзындығындағы сәулелерге қарағанда басым болып келеді. Ал толқын ұзындықтары әр түрлі болып келетін көрінетін сәулелердің көздің тор қабықшасына тигізетін әсерлері де әр түрлі болады. Нысандардың “түстілігін” түйсіну осыған байланысты. Егер спектр құрамындағы сәулелердің тор қабықшаға тигізетін әсерлері бірдей болса, онда ақ Тус сезіледі. Толқын ұзындығы көрінетін жарық диапазонында қандай да бір монохромат сәуленің толқын ұзындығы айналасында белгілі бір интервалда орналасқан сәуле Тус-і спектрлік Тус деп аталады. Толқын ұз. 380 – 470 нм болатын сәулелер күлгін және көк Тус, 470 – 500 нм толқын ұзындығын қабылдайтын сәулелер көкшіл жасыл, 500 – 560 нм-дегілері жасыл, 560 – 590 нм-ді құрайтын сәулелер сарғыш қызыл, 590 нм-ден 760 нм-ге дейінгі толқын ұзындығындағы сәулелер қызыл Тус-ті қабылдайды.

Сілтемелер

"Қазақ Энциклопедиясы" 9 том