Аналитикалық химия: Нұсқалар арасындағы айырмашылық

'''''Аналитикалық химия'', ''аналитика''''' (грек. ''аnalysіs'' – ''талдау, жіктеу'') – заттардың химиялық құрамын анықтау әдістері туралы ғылым. <br />▼

Ең алғаш «химиялық анализ» ұғымын 1654 ж. ағылшын химигі [[Роберт Бойль]], ал «аналитикалық химия» ұғымын 1801 ж. [[Лампадиус|В.А.Лампадиус]] енгізген. Аналитикалық химияның даму кезеңдері: '''[[алхимия]]''' (4–16 ғ-лар), ''[['иатрохимия]]''' (16–17 ғ-лар),''' [[флогистондық]]''' (17–18 ғ-лар) және ғылыми (19–20 ғ-лар) болып бөлінеді. Бұл ғылымның негізгі міндеттері – талдау әдістерінің қолдану шегін анықтау, түрлі заттардың құрамын анықтау әдістемелерін жетілдіру, жаңа әдістемелер ұсыну. Осыған байланысты аналитикалық химия іргелі қолданбалы ғылым болып табылады. Онда '''сапалық''' және '''сандық''' талдау жүзеге асырылады. <br />▼

'''Сапалық талдау''' зерттелетін заттың құрамын, ал сандық талдау сол құраушы заттардың массасын не массалық үлесін анықтайды. Зерттелетін бөлшектердің табиғатына байланысты элементтік (атом-ионды), заттық, молекулалық, фазалық және функционалдық талдау болып жіктеледі. Аналитикалық белгінің табиғатына және оны өлшеу тәсіліне байланысты талдаудың химиялық (классик.), аспаптық, биология әдістері бар. Химиялық әдістер ([[гравиметрлік]], [[титриметрлік]]) химиялық реакциялар арқылы жүргізіледі. Аспаптық әдістер физикалық құбылыстар мен процестердегі және хим. реакциялардағы құбылыстарды физика әдістермен өлшеуге сүйенеді. Биологиялық әдістер тіршілік құбылыстарын саралауға негізделген. <br />▼

Қазақстанда Аналитикалық химияның дамуы [[Козловский|М.Т.Козловскийдің]] есімімен байланысты. Оның басқаруымен жүргізілген ғыл. жұмыстардың нәтижесінде Қазақ мемл. ун-тінің А. х. кафедрасы ірі ғыл. орт-қа айналды. Аналитикалық химия салаларының ішінен Қазақстанда, әсіресе, электраналит. химия мен фазалық талдау жақсы дамыды. <br />[[Амперметрия]], [[инверсиялық вольтамперметрия]], т.б. әдістердің көмегімен түрлі құймалардың, өндірісте пайдаланатын судың құрамын (А.И.Зебрева), кентастардағы ренийдің (Е.Ф.Сперанская), т.б. металдардың (О.А.Сонгина, В.А.Захаров, З.Б.Рождественская) мөлшерін, құймалардан алынатын катализаторлардың фазалық құрамын (Р.Н.Матакова) анықтаудың әдістері жасалды. <br />▼

Көптеген беттік активтігі жоғары заттардың электрхим. процестерге әсері (мыс., кадмий, мыс, таллий, мырыш сияқты металдардың электродтардағы бөліну процесі) зерттелді (М.К.Наурызбаев, Д.К.Меңдәлиева). Болаттың түрлі маркаларының қышқыл және сілтілі орталардағы коррозияға төзімділігі зерттеліп, олармен күресудің тиімді жолдары ұсынылды (Т.З.Ахметов). Термодинамик. зерттеулерге сүйене отырып, минералдардың селективті еруінің теор. негіздері жасалды (Х.Қ.Оспанов). Комплексті қосылыстарды аналит. мақсаттарға пайдалану бағытындағы ғыл. жұмыстар жүргізілді (Е.А.Мәмбетқазиев, А.М.Шалдыбаева). <br />▼

Аналитикалық химия саласындағы мамандар Қазақ ұлттық және Қарағанды мемлекеттік университеттерінде даярланады, ал аналитикалық химия зерттеулерін Қазақстан ҒМ–ҒА-ның арнаулы ғыл. кеңесі үйлестіріп отырады. Қазіргі кездегі аналитикалық химияның негізгі мәселелері: аспаптық және биол. әдістерді жетілдіру, автоматтандыру және математикаландыру, аралық химия әдістерді дамыту, әдістердің сезгіштігі мен дәлдігін жоғарылату, тест-әдістерді дамыту.▼