Яшма: Нұсқалар арасындағы айырмашылық

'''Яшма''' ([[ағылшын]] – [[мүйіз тас]], [[шақпақ тас]]) – [[кварц|кварцтың]] өте тығыз бітіскен, аса ұсақ түйірлерінен (1 – 3 мк) құралған шөгінді, жанартаутекті - шөгінді [[тау жынысы]]. Құрамындағы [[SіO]]₂ мөлшері 97,9%; аз мөлшердегі қоспаларына: [[гематит]], [[хлорит]], [[слюда|слюдалар]], [[кальцит]], [[апатит]], [[родохрозит]], [[родонит]], т.б. жатады. Түсі [[шұбар]], [[қызыл]], [[жасыл]], [[сұр]]; сынымы [[бұдыр|бұдырлы]], нақышы қабатты, жолақты болып келеді. Яшма негізінен жанартаутекті - шөгінділік, химиялық, биохимиялық жолдармен түзіледі. [[Су]] асты [[жанартау|жанартауларының]] атқылауынан шыққан [[магма|магмалық]] [[тау жыныстары|тау жыныстарынан]] бөлінген кремнезем ([[SіO]]₂) едәуір мөлшерде босайды да, Яшманың қалың қабатының қалыптасуына себепші болады. Әдемі түсті Яшмадан безендіру және зергерлік бұйымдар жасалады. Яшманың [[новокулит]] ([[арканзас]] тасы) аталатын түрі [[металл]] бетін өте таза, мінсіз тегістейтін табиғи [[абразив]] болып саналады, сондықтан да жоғары бағаланады. Яшма кендері [[Орал|Оралда]], [[Алтай|Алтайда]], [[Қазақстан|Қазақстанда]] ([[Ерейментау]], [[Ұлытау]], [[Тектұрмас]]), бірқатар елдерде ([[Чехословакия]], [[Италия]], [[Испания]], т.б.) табылған.

<ref> 1. Қазақ энциклопедиясы, 10 том </ref>