Ішекқуыстылар — нұсқалар арасындағы айырмашылық

Түйіндемесі өңделмейді
(Жаңа бетте: '''Ішекқуыстылар''' (Coelenterata) – нағыз көп клеткалылардың бір типі. І-дың басты белгілерінің бірі [[он...)
 
[[Сурет:Comb jellies-mba.jpg|thumb]]'''Ішекқуыстылар''' (Coelenterata) – нағыз көп клеткалылардың бір типі. І-дың басты белгілерінің бірі [[онтоген]]. дамуы барысында тек екі ұрық жапырақшалары қалыптасады, олар ересек дарабастарында айқын сақталып, [[эктодерма]] және [[энтодерма]] қабаттарын құрайды. Осы белгісіне қарай І-ды екі қабатты (Dіploblastіca) жануарлар тобына жатқызады. Екінші бір ерекшелігі – энтодерма қабатындағы клеткалары қуыс ішіне ас қорыту сөлін шығарып, асты қуыстың ішінде қорытады. Осыған байланысты олардың дене қуысы ішек қуысы деп аталады. Типтің аты осыған байланысты қойылған. Тағы бір ерекше белгісі – сәулелі [[симметрия|симметриясының]], атқыш (күйдіргіш) және жүйке клеткаларының болуы. І-дың басым көпшілігі теңіздерді, аз ғана түрлері тұщы суларды мекендейді. 9000-ға жуық түрі белгілі. Дене пішіні цилиндр тәрізді, шатыр, табақша, қоңырау тәрізді. Денесінің ұз. 1 мм-ден бірнеше см-ге жетеді. Араларында ірі түрлері де кездеседі. Мыс., Cyanea arctіca-ның ені 2 м, ал қармалауыштарының ұз. 30 м-ге жетеді. Морфол. құрылысы және тіршілік етуіне қарай І. [[полип|полиптер]] және [[медуза|медузалар]] болып топтасады. І. жыныссыз, жынысты және ұрпақ алмасуы (метагенез) арқылы дамиды. Бұлар үш класқа бөлінеді: [[гидрозоа]], [[сцифоид|сцифоидты]] медузалар және маржан полиптері. [[Гидрозоа]] (Hydrozoa) класы – тұщы суларда тіршілік ететін қарапайым құрылысты жануарлар. 2700-дей түрі белгілі. Бұлардың екі класс тармағы бар: сифонофоралар және гидроидтар. [[Сифонофора|Сифонофоралар]] (Sіphonophora) – жылы теңіздерде еркін жүзіп, ерекше шоғыр (колония) құрып тіршілік ететін жануарлар. Шоғыр құрайтын дарабастары құрылысы мен физиологиясы жағынан әр түрлі, оларды зооидтер деп атайды. Денесінің ұз. әр түрлі, 1 см-ге дейін, кейде 2 – 3 м-ге дейін жетеді. Көпшілігі мөлдір түсті, бірақ кейбір бөлімдері қанық түске боялған түрлері де кездеседі. Жыныссыз және жынысты жолмен көбейеді.
<ref>Қазақ Энциклопедиясы, 9 том</ref>
==Пайдаланылған cілтемелер==
162

өңдеме